Мабільная версія
ДЗЯРЖОРГАНЫ
Апошнія навіны
Усе навіны

Віцэ-прэм'еры краін СНД азнаёміліся з беларускім павільёнам на ВДНГ у Маскве

Эканоміка 14.09.2018 | 12:33

14 верасня, Масква /Эдуард Півавар - БЕЛТА/. Віцэ-прэм'еры краін СНД, якія прыбылі ў Маскву для ўдзелу ў пасяджэнні Эканамічнага савета Садружнасці, сёння азнаёміліся з павільёнам Рэспублікі Беларусь на ВДНГ у Маскве, перадае карэспандэнт БЕЛТА.

Тлумачэнні сваім калегам у час агляду рабіў віцэ-прэм'ер Беларусі Ігар Петрышэнка, а таксама Генадзь Раманенка - дырэктар кампаніі, якая кіруе павільёнам. Віцэ-прэм'еры агледзелі адрэстаўрыраваны будынак павільёна, разгорнутую ў ім штодзённую беларускую выстаўку-кірмаш. На ёй прадстаўлены адзенне, абутак, касметыка, сувеніры, прадукты. Генадзь Раманенка расказаў, якія выстаўкі прайшлі ў павільёне за апошні час.

У канцы 2016 года была завершана кардынальная рэканструкцыя павільёна, якая доўжылася амаль дзесяць гадоў. Цяпер масквічы і госці сталіцы Расіі могуць убачыць яго такім, якім ён задумваўся ў пачатку 1950-х гадоў.

У час рэстаўрацыі спецыялісты не толькі вярнулі першапачатковы выгляд будынку, але і аднавілі яго гістарычныя інтэр'еры. У прыватнасці, быў адрэстаўрыраваны фасад са скульптурай "Маці - Беларусь" аўтарства вядомага беларускага скульптара Андрэя Бембеля. Па заказе і за кошт беларускага боку на франтоне павільёна ўстаноўлены пяць дакладных копій гістарычнай скульптурнай кампазіцыі "Працаўнікі Беларусі". Яна складаецца з двухмятровых скульптур "Даярка", "Аграном", "Калгасніца", "Паляўнічы", "Механізатар".-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.