Мабільная версія
ДЗЯРЖОРГАНЫ

Апошнія навіны
Усе навіны

Узровень тавараабароту Беларусі і Індыі пераканаўчы, але не адлюстроўвае ўвесь патэнцыял - Улаховіч

Эканоміка 18.09.2019 | 15:32
Уладзімір Улаховіч (справа)
Уладзімір Улаховіч (справа)

18 верасня, Мінск /Кар. БЕЛТА/. Цяперашні ўзровень тавараабароту паміж Беларуссю і Індыяй даволі пераканаўчы, але ўсё ж не адлюстроўвае існуючы патэнцыял двухбаковага супрацоўніцтва. Такое меркаванне выказаў старшыня Беларускай гандлёва-прамысловай палаты Уладзімір Улаховіч на індыйска-беларускім дзелавым і тэхналагічным форуме, які праходзіць сёння ў Мінску ў час Беларускага прамыслова-інвестыцыйнага форуму, перадае карэспандэнт БЕЛТА.

"Індыя для Беларусі з'яўляецца стратэгічным партнёрам, у нас шматгадовы пазітыўны вопыт супрацоўніцтва. Наш тавараабарот на фоне іншых краін выглядае даволі пераканаўчым, у Беларусі добры экспартны партфель, але ён, вядома, не адлюстроўвае той патэнцыял, які мае наша супрацоўніцтва, - лічыць кіраўнік БелГПП. - У нас працуюць усе інструменты яго развіцця (міжурадавая камісія, рабочыя групы па прамысловасці, фармацэўтыцы, навуцы, наш дзелавы савет), засталося толькі перакласці гэты патэнцыял на канкрэтныя праекты, на наша дзелавое супрацоўніцтва".

Паводле слоў Уладзіміра Улаховіча, у Беларусі ёсць добры задзел на будучыню ў машынабудаўнічым сектары: БелАЗ на працягу года выйграў шэраг вялікіх тэндараў, агульны аб'ём паставак індыйскім партнёрам па іх складзе амаль 200 самазвалаў, "Белкамунмаш" падпісаў пагадненне на пастаўкі электробусаў на $60 млн. Ёсць і вельмі цікавы вопыт супрацоўніцтва паміж краінамі ў галіне фармацэўтыкі. "Гэта ўсё з'яўляецца добрым прыкладам для развіцця супрацоўніцтва для нашых бізнесменаў, прадпрыемстваў самых розных форм уласнасці", - упэўнены кіраўнік БелГПП.

Кіраўнік індыйскай бізнес-дэлегацыі, дырэктар Bajaj Industries Панкадж Баджадж удакладніў, што тавараабарот паміж дзвюма краінамі складае $473 млн па выніках 2018 года. У прыватнасці, Беларусь пастаўляе Індыі абсталяванне, угнаенні, аўтатэхніку, пластык. "У будучым ёсць верагоднасць таго, што будзе падпісаны дагавор паміж Індыяй і Еўразійскім эканамічным саюзам, і мы павялічым гэтыя лічбы", - адзначыў ён.

Паводле слоў Панкаджа Баджаджа, Канфедэрацыя індыйскай прамысловасці, якая працуе ў цеснай сувязі з індыйскім урадам і займаецца прасоўваннем дзелавой актыўнасці, вызначыла шэраг ключавых напрамкаў у развіцці адносін Беларусі і Індыі. Гэта, у прыватнасці, вытворчасць паперы, сельскагаспадарчая вытворчасць, машынабудаванне, аднаўляльныя крыніцы энергіі. Ёсць магчымасці супрацоўніцтва ў галіне інфармацыйных тэхналогій, фінансаў і турызму.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.