![Фота з архіва Фота з архіва](https://blr.belta.by/images/storage/news/with_archive/2024/000021_1717596300_132123_big.jpg)
Фота з архіва
5 чэрвеня, Мінск /Кар. БЕЛТА/. Уступіла ў сілу Пагадненне аб свабодным гандлі паслугамі, заснаванні, дзейнасці і ажыццяўленні інвестыцый, падпісанае ў рамках СНД у мінулым годзе, паведамілі БЕЛТА ў прэс-службе Міністэрства эканомікі.
"Для Беларусі гэта пагадненне стане другім пасля Дагавора аб Еўразійскім эканамічным саюзе міжнародным дагаворам, які рэгламентуе ўмовы свабоднага гандлю паслугамі", - праінфармавалі ў міністэрстве.
Пагадненне пачынае дзейнічаць для Беларусі, Кыргызстана і Таджыкістана. Для астатніх удзельнікаў (Арменія, Казахстан, Расія, Узбекістан) зона свабоднага гандлю паслугамі пачне функцыянаваць па меры выканання партнёрамі неабходных для яго ратыфікацыі ўнутрыдзяржаўных працэдур.
Дакумент грунтуецца на міжнародных дагаворных практыках, накіраваны на стварэнне празрыстых і стабільных умоў доступу ў сектары паслуг, прамысловасці, сельскай гаспадаркі дзяржаў-падпісантаў, а таксама інтэнсіфікацыю гандлёва-эканамічнага супрацоўніцтва ў рамках Садружнасці.
Паводле ацэнак Выканкама СНД, прагназуецца, што рэалізацыя пагаднення дасць магчымасць павялічыць аб'ём гандлю паслугамі ў СНД на 25 працэнтаў.
З 2012 года ў рамках СНД ужо функцыянуе рэжым свабоднага гандлю таварамі. "Замацаванне дамоўленасцей аб гандлі паслугамі і ажыццяўленні інвестыцый стала значным крокам для фарміравання поўнафарматнай зоны свабоднага гандлю", - дадалі ў міністэрстве.
У Беларусі пагадненне ратыфікавана законам ад 28 снежня 2023 года нумар 325-З "Аб ратыфікацыі Пагаднення аб свабодным гандлі паслугамі, заснаванні, дзейнасці і ажыццяўленні інвестыцый".-0-
"Для Беларусі гэта пагадненне стане другім пасля Дагавора аб Еўразійскім эканамічным саюзе міжнародным дагаворам, які рэгламентуе ўмовы свабоднага гандлю паслугамі", - праінфармавалі ў міністэрстве.
Пагадненне пачынае дзейнічаць для Беларусі, Кыргызстана і Таджыкістана. Для астатніх удзельнікаў (Арменія, Казахстан, Расія, Узбекістан) зона свабоднага гандлю паслугамі пачне функцыянаваць па меры выканання партнёрамі неабходных для яго ратыфікацыі ўнутрыдзяржаўных працэдур.
Дакумент грунтуецца на міжнародных дагаворных практыках, накіраваны на стварэнне празрыстых і стабільных умоў доступу ў сектары паслуг, прамысловасці, сельскай гаспадаркі дзяржаў-падпісантаў, а таксама інтэнсіфікацыю гандлёва-эканамічнага супрацоўніцтва ў рамках Садружнасці.
Паводле ацэнак Выканкама СНД, прагназуецца, што рэалізацыя пагаднення дасць магчымасць павялічыць аб'ём гандлю паслугамі ў СНД на 25 працэнтаў.
З 2012 года ў рамках СНД ужо функцыянуе рэжым свабоднага гандлю таварамі. "Замацаванне дамоўленасцей аб гандлі паслугамі і ажыццяўленні інвестыцый стала значным крокам для фарміравання поўнафарматнай зоны свабоднага гандлю", - дадалі ў міністэрстве.
У Беларусі пагадненне ратыфікавана законам ад 28 снежня 2023 года нумар 325-З "Аб ратыфікацыі Пагаднення аб свабодным гандлі паслугамі, заснаванні, дзейнасці і ажыццяўленні інвестыцый".-0-