.
ДЗЯРЖОРГАНЫДЗЯРЖОРГАНЫ
Серада, 3 сакавіка 2021
Мінск Суцэльная воблачнасць 0°C
Усе навіны
Усе навіны
Эканоміка
27 студзеня 2021, 13:52

Урад РФ адобрыў праект пагаднення аб перавозцы беларускіх нафтапрадуктаў праз парты РФ

Фота novostipmr.com
Фота novostipmr.com

27 студзеня, Масква /Эдуард Півавар - БЕЛТА/. Урад Расіі адобрыў праект пагаднення з урадам Беларусі аб арганізацыі супрацоўніцтва ў галіне перавозкі і перавалкі беларускіх нафтапрадуктаў, прызначаных на экспарт у трэція краіны праз расійскія марскія парты. Адпаведнае распараджэнне ўрада РФ апублікавана сёння на расійскім інтэрнэт-партале прававой інфармацыі, паведамляе БЕЛТА.

Урад РФ даручыў Міністэрству транспарту правесці перагаворы і падпісаць з Беларуссю такое пагадненне. Згодна з праектам, аб'ём перавалкі можа складаць 2-3,5 млн т у год. Прадугледжваецца, што пагадненне будзе дзейнічаць да канца снежня 2023 года. Нафтапрадукты вытворчасці беларускіх НПЗ будуць перавозіцца да партоў РФ чыгуначным транспартам. Тарыфы на чыгуначныя перавозкі будуць устаноўлены ў адпаведнасці з нацыянальнымі заканадаўствамі з улікам скідак, што прадастаўляюцца па рашэнні ААТ "РЧ" і Беларускай чыгункі. Бакі гарантуюць адсутнасць любога павышэння тарыфаў, за выключэннем штогадовай агульнай індэксацыі.

У адпаведнасці з праектам пагаднення, расійскі бок гарантуе прадастаўленне рухомага саставу для перавозкі беларускіх нафтапрадуктаў. Дакументам вызначаны гранічныя стаўкі на рухомы састаў і паслугі па перавалцы грузаў у марскіх партах Расіі.

Па выніках праведзеных напярэдадні перагавораў з прэм'ер-міністрам Расіі Міхаілам Мішусціным прэм'ер-міністр Беларусі Раман Галоўчанка паведаміў журналістам, што бакі маюць намер у бліжэйшы час падпісаць міжурадавае пагадненне аб перавалцы беларускіх знешнегандлёвых грузаў праз парты РФ.

"Абмяркоўвалі пытанні транспарціроўкі беларускіх грузаў, у прыватнасці нафтапрадуктаў праз парты Расіі, - сказаў Раман Галоўчанка. - Гэта задача была пастаўлена Прэзідэнтам у сувязі з вядомымі падыходамі краін Балтыі ў адносінах да Беларусі і занятай імі недружалюбнай пазіцыяй. Таму мы гэту задачу рэалізуем і ў бліжэйшы час плануем падпісаць адпаведнае міжурадавае пагадненне, якое забяспечыць для нашых трэйдараў, грузаадпраўшчыкаў эканамічныя ўмовы як мінімум не горшыя, чым мы мелі ў прыбалтыйскіх партах".

"У гэтым напрамку ведамствы спрацавалі так, што эканамічны эфект будзе для Беларусі пазітыўны", - падкрэсліў кіраўнік беларускага ўрада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі