Мабільная версія
ДЗЯРЖОРГАНЫ
Апошнія навіны
Усе навіны

Урад разлічвае, што рэформа СГА не паўплывае на працэс уступлення ў яе Беларусі

Эканоміка 08.11.2018 | 14:07

8 лістапада, Мінск /Кар. БЕЛТА/. Урад разлічвае, што рэфармаванне Сусветнай гандлёвай арганізацыі не паўплывае на працэс уступлення ў арганізацыю Беларусі. Аб гэтым заявіў першы намеснік прэм'ер-міністра Беларусі Аляксандр Турчын на сустрэчы з дэлегацыяй СГА, паведамляе БЕЛТА са спасылкай на сайт урада.

"Рыхтуючыся стаць паўнапраўным членам СГА, мы ўважліва адсочваем бягучыя тэндэнцыі ў рабоце арганізацыі. Лічым вельмі важным бягучы працэс рэфармавання арганізацыі, аднак хацелі б пазбегнуць выстаўлення ў сувязі з гэтым новых патрабаванняў з боку членаў СГА ў рамках перагаворнага працэсу па далучэнні", - падкрэсліў Аляксандр Турчын.

Першы віцэ-прэм'ер падзякаваў намесніку генеральнага дырэктара Сусветнай гандлёвай арганізацыі Алану Вулфу і сакратарыяту СГА за падтрымку Беларусі на шляху найхутчэйшага далучэння да арганізацыі.

Гаворачы аб новым складзе ўрада Беларусі, Аляксандр Турчын запэўніў, што асноўны ўпор работы будзе зроблены на далейшае павышэнне канкурэнтаздольнасці беларускай эканомікі, развіццё электроннага гандлю, малога і сярэдняга бізнесу, а таксама сферы паслуг. "У новым урадзе будзе забяспечана пераемнасць курсу нашай знешнегандлёвай палітыкі без якіх-небудзь радыкальных змяненняў. Сярод важных задач мы таксама разглядаем хутчэйшае завяршэнне перагаворнага працэсу па далучэнні Беларусі да СГА", - акцэнтаваў увагу першы віцэ-прэм'ер. Ён таксама адзначыў, што ў якасці магчымага арыенціра ў гэтым напрамку магла б стаць 12-я міністэрская канферэнцыя СГА, якая адбудзецца ў чэрвені 2020 года ў Астане.

Паводле слоў Аляксандра Турчына, апошнім часам значна актывізаваліся двухбаковы і шматбаковы фармат перагавораў па ўступленні Беларусі ў СГА. Разам з тым яшчэ захоўваюцца асобныя пытанні ў частцы экспартных абмежаванняў і мер нетарыфнага рэгулявання знешняга гандлю, над якімі ў нас чакаецца далейшая работа.

Намеснік генеральнага дырэктара СГА Алан Вулф адзначыў, што актывізацыя перагавораў з боку Беларусі вельмі добра ўспрынята членамі арганізацыі. Ён праінфармаваў, што з моманту аднаўлення перагаворнага працэсу адбылося тры плённыя пасяджэнні рабочай групы па далучэнні і падпісана 9 пратаколаў па выніках двухбаковых перагавораў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.