Мабільная версія
ДЗЯРЖОРГАНЫ
Апошнія навіны
Усе навіны

Урад разлічвае на ўваходжанне ЕБРР у склад акцыянераў Белінвестбанка да канца года

Эканоміка 12.09.2018 | 13:01
У час сустрэчы
У час сустрэчы

12 верасня, Мінск /Кар. БЕЛТА/. Урад Беларусі разлічвае на ўваходжанне Еўрапейскага банка рэканструкцыі і развіцця ў склад акцыянераў Белінвестбанка да канца бягучага года. Аб гэтым паведаміў намеснік прэм'ер-міністра Уладзімір Кухараў сёння на сустрэчы з дэлегацыяй Савета дырэктараў ЕБРР, перадае карэспандэнт БЕЛТА.

Разам з ЕБРР вядзецца работа па ўдасканаленні кіравання дзяржаўным сектарам, у прыватнасці, па перадпрыватызацыйнай падтрымцы арганізацый фінансавага і рэальнага сектараў эканомікі.

"Найбольш маштабны праект - адзін з буйнейшых дзяржбанкаў краіны Белінвестбанк, дзе мы спадзяёмся, што ўжо ў гэтым годзе ЕБРР увойдзе ў склад акцыянераў банка. Гатоўнасць і адкрытасць Беларусі да супрацоўніцтва па ўказаным пытанні пацвярджае асаблівы давер да ЕБРР", - заявіў Уладзімір Кухараў.

Віцэ-прэм'ер адзначыў, што Беларусь актыўна супрацоўнічае з ЕБРР, Сусветным банкам, МВФ, і рэкамендацыі міжнародных арганізацый улічваюцца ўрадам пры правядзенні эканамічнай палітыкі, а выдзеленыя рэсурсы фінансуюць значныя праекты.

Паводле яго ацэнкі, праз два гады пасля пачатку рэалізацыі новай стратэгіі Еўрапейскага банка рэканструкцыі і развіцця для Беларусі можна гаварыць аб тым, што двухбаковае супрацоўніцтва выйшла на якасна новы ўзровень. З дапамогай банка Беларусь працуе над стварэннем аднолькавых канкурэнтных умоў у эканоміцы, рэалізацыяй пілотных праектаў у сферы карпаратыўнага кіравання, прыцягненнем замежных інвестыцый у банкаўскі сектар, мадэрнізацыяй інфраструктуры.

Адзін з асноўных напрамкаў супрацоўніцтва Беларусі з ЕБРР - развіццё прыватнага сектара і падтрымка малога і сярэдняга прадпрымальніцтва. "Лічу, што ЕБРР як інстытут крэдытавання прыватнага бізнесу зможа знайсці прывабныя напрамкі работы ў прыватным сектары, значна павялічыўшы свой партфель у Беларусі", - сказаў Уладзімір Кухараў.

Беларусь таксама разлічвае на далейшую падтрымку банка пры мадэрнізацыі транспартнай і жыллёва-камунальнай інфраструктуры. Дзякуючы фінансавым рэсурсам ЕБРР у краіне рэалізуюцца праекты ў сферы водазабеспячэння і водаадвядзення, абмяркоўваюцца новыя праекты па цеплавой рэабілітацыі жылфонду, абыходжанні з цвёрдымі адходамі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.