Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Урад прадоўжыць працаваць над раздзяленнем функцый дзяржавы як рэгулятара і ўласніка

Эканоміка 05.04.2019 | 17:51
Фота з архіва
Фота з архіва

5 красавіка, Мінск /Кар. БЕЛТА/. Урад прадоўжыць працаваць над раздзяленнем функцый дзяржавы як рэгулятара і ўласніка, заявіў прэм'ер-міністр Беларусі Сяргей Румас на семінары па пытаннях карпаратыўнага кіравання ў Банку развіцця, перадае карэспандэнт БЕЛТА.

Сёння ва ўласнасці дзяржавы знаходзяцца акцыі 1869 акцыянерных таварыстваў. У амаль 1,5 тыс. таварыстваў дзяржаве належыць кантрольны пакет. "Гэтыя таварыствы фарміруюць палавіну ВУП краіны. Але калі мы паглядзім на якасны складнік, то ўбачым, што лічбы адрозніваюцца, але прадукцыйнасць працы ў акцыянерных таварыствах, дзе кіруе дзяржава, у сярэднім у паўтара раза ніжэйшая, чым у прыватных", - сказаў Сяргей Румас.

Прэм'ер-міністр звярнуў увагу, што новы склад урада з першага дня выношваў ідэю пабудовы карпаратыўнага кіравання ў таварыствах з доляй дзяржавы. З выхадам указа нумар 125 "Аб прадстаўніках дзяржавы" фактычна пачынаецца выбудоўванне правільнай сістэмы ўладальніцкага нагляду, адзначыў кіраўнік урада.

Сяргей Румас
Сяргей Румас'

Рашэнні аб назначэнні прадстаўнікамі дзяржавы вышэйшых службовых асоб, членаў Савета Міністраў і іх намеснікаў у буйных акцыянерных таварыствах з доляй дзяржавы ў статутных фондах - гэта толькі першы крок. На думку Сяргея Румаса, не трэба чакаць вельмі хуткіх аўтаматычных паляпшэнняў у рабоце такіх акцыянерных таварыстваў, тым не менш гэта можна параўнаць з правіламі дарожнага руху - хоць іх устанаўленне не дае магчымасці цалкам пазбавіцца ад аварый, але карысць відавочная. "З прыняццем правіл мы пачынаем выбудоўваць сістэму кіравання гаспадарчымі таварыствамі ўласнікам, у гэтым выпадку дзяржавай, з паступовым адыходам ад ручнога кіравання", - заўважыў кіраўнік урада.

Разам з тым у асоб, вызначаных у якасці прадстаўнікоў дзяржавы, ёсць пытанні аб парадку ўзаемадзеяння з органамі ўладальніцкага нагляду, паўнамоцтвах і адказнасці. Цяперашняе палажэнне аб прадстаўніках дзяржавы ў органах кіравання гаспадарчых таварыстваў не ўлічвае ўсе асаблівасці работы вышэйшых службовых асоб.

"Мы ва ўрадзе ўсведамляем, што гэта абсалютна справядлівая заўвага, Дзяржкаммаёмасць завяршае работу над унясеннем змяненняў у палажэнне. Галоўная навацыя пастановы - вышэйшыя службовыя асобы не будуць звязаны рашэннямі органа ўладальніцкага нагляду, гэта значыць таго міністэрства, якое арганізуе ўладальніцкі нагляд", - сказаў Сяргей Румас. "Прынятае рашэнне з'яўляецца чарговым крокам на шляху раздзялення функцый дзяржавы як уласніка і рэгулятара", - дадаў ён.

Міністэрству фінансаў і Банку развіцця, Дзяржкаммаёмасці даручана арганізаваць навучальныя семінары па пытаннях карпаратыўнага кіравання.

Асноўная мэта сённяшняга семінара ў Банку развіцця - разгляд арганізацыйных пытанняў удзелу прадстаўнікоў дзяржавы ў органах кіравання гаспадарчых таварыстваў, уключаючы працэдуры прыняцця рашэнняў і кантролю за іх рэалізацыяй.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Білеты на ІІ Еўрапейскія гульні Цырымонія адкрыцця - 21 чэрвеня, стадыён "Дынама" - кошт білета - Br150-300. Цырымонія закрыцця - 30 чэрвеня, стадыён "Дынама" - Br70-150.