Мабільная версія
ДЗЯРЖОРГАНЫ

Апошнія навіны
Усе навіны

Урад Беларусі разлічвае на актывізацыю гандлю з Босніяй і Герцагавінай

Эканоміка 20.06.2019 | 19:18

20 чэрвеня, Мінск /Кар. БЕЛТА/. Урад Беларусі спадзяецца на актывізацыю гандлёва-эканамічнага супрацоўніцтва з Босніяй і Герцагавінай. Аб гэтым заявіў прэм'ер-міністр Беларусі Сяргей Румас сёння на сустрэчы са старшынёй Прэзідыума Босніі і Герцагавіны Міларадам Додзікам, перадае карэспандэнт БЕЛТА.

"Урад Беларусі спадзяецца, што ваш візіт прывядзе да актывізацыі гандлёва-эканамічнага супрацоўніцтва. Яго цяперашні ўзровень не адпавядае патэнцыялу нашых краін", - адзначыў Сяргей Румас.

У сувязі з гэтым кіраўнік беларускага ўрада прапанаваў больш актыўна задзейнічаць патэнцыял гандлёва-прамысловых палат. "Запрашаем баснійскі бок удзельнічаць у міжнародных выстаўках і кірмашах, якія праходзяць на тэрыторыі нашай краіны, каб больш даведацца пра магчымасці беларускіх прадпрыемстваў і паказаць нам тавары і паслугі, якія будуць цікавыя для беларусаў", - сказаў прэм'ер-міністр. Беларусь у сваю чаргу гатова вывучаць баснійскі рынак і рыхтуецца ўдзельнічаць у міжнароднай выстаўцы ў Мастары, якая пройдзе ў красавіку 2020 года.

Боснія і Герцагавіна з'яўляецца адной з еўрапейскіх краін, куды пастаўляюцца беларускія кар'ерныя самазвалы і буйнагабарытныя аўтамабільныя шыны. "Наколькі мяне інфармуюць калегі, наша тэхніка добра зарэкамендавала сябе на вашых кар'ерах. Прапануем не спыняцца на дасягнутым і паглядзець шырэй на магчымасці беларускай прамысловасці. Мы гатовы разглядаць пастаўкі будаўнічай, камунальнай і сельгастэхнікі ў Боснію і Герцагавіну", - дадаў Сяргей Румас.

Беларусь таксама лічыць перспектыўным супрацоўніцтва ў сферы ІТ. "Прапануем сфарміраваць дэлегацыю для асобнага наведвання Парка высокіх тэхналогій. Беларусь дабілася вялікіх поспехаў у пабудове ІТ-індустрыі, мне здаецца, вопыт і прадукты нашых кампаній могуць быць карысныя для Босніі і Герцагавіны", - заявіў кіраўнік урада.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Нарыхтоўка ягад, грыбоў і плодаагародніннай прадукцыі ў насельніцтва За 9 месяцаў 2019 года арганізацыямі спажывецкай кааперацыі закуплена сельгаспрадукцыі і сыравіны на суму Br258 млн (у тым ліку насельніцтву выплачана за здадзеную прадукцыю і сыравіну Br157 млн).