20 лютага, Мінск /Кар. БЕЛТА/. Урад абавязаў бюджэтныя арганізацыі рабіць справаздачу ў электронным выглядзе. Гэта прадугледжана пастановай Савета Міністраў ад 15 лютага 2023 года нумар 125, што афіцыйна апублікавана на Нацыянальным прававым інтэрнэт-партале, паведамляе БЕЛТА.
Дакументам устаноўлена, што бюджэтныя і іншыя арганізацыі, што атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый, абавязаны ў 2023 годзе прадастаўляць інфармацыю аб колькасці работнікаў і паказчыках дзейнасці з выкарыстаннем аўтаматызаванай інфармацыйнай сістэмы "Справаздача". Уносіць інфармацыю ў АІС "Справаздача" неабходна штоквартальна не пазней за 20-е чысло месяца, што ідзе за справаздачным кварталам.
Рабіць справаздачы будуць дзяржустановы, падпарадкаваныя Міністэрству транспарту і камунікацый, Міністэрству працы і сацыяльнай абароны, Міністэрству сельскай гаспадаркі і харчавання, а таксама ўстановы аховы здароўя, культуры, лясной гаспадаркі, адукацыі і іншыя.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 1 студзеня 2023 года.-0-
