7 красавіка, Мінск /Аліна Грышкевіч - БЕЛТА/. Унутраны рынак у красавіку будзе забяспечаны нафтапрадуктамі ў поўным аб'ёме. Аб гэтым расказаў журналістам старшыня канцэрна "Белнафтахім" Андрэй Рыбакоў сёння па выніках нарады ў Прэзідэнта аб пастаўках нафты ў Беларусь, перадае карэспандэнт БЕЛТА.
"Кіраўніку дзяржавы было даложана аб забеспячэнні нафтаперапрацоўкі сыравінай у красавіку, - падкрэсліў кіраўнік канцэрна. - Вядзецца работа як па альтэрнатыўных пастаўках нафты, так і па пастаўках нафты ў красавіку трубаправодным транспартам з Расійскай Федэрацыі".
Паводле яго слоў, на гэты момант ідзе кантрактаванне па ўсіх напрамках. "Фактычна заводы ўзнімаюць свае перапрацоўчыя магутнасці. Унутраны рынак, як і экспарт, у красавіку будзе забяспечаны ў поўным аб'ёме", - рэзюмаваў Андрэй Рыбакоў.-0-
