Фота пасольства Беларусі ў Расіі
29 мая, Уладзімір /Эдуард Півавар - БЕЛТА/. Улады Уладзімірскай вобласці разлічваюць на прадаўжэнне супрацоўніцтва з беларускімі будаўнікамі. Аб гэтым заявіў журналістам першы намеснік губернатара расійскага рэгіёна Аляксандр Рэміга, перадае карэспандэнт БЕЛТА.
29 мая ва Уладзімірскую вобласць прыбыла беларуская дэлегацыя на чале з міністрам эканомікі Юрыем Чабатаром і паслом Беларусі ў Расіі Дзмітрыем Крутым. Першым пунктам праграмы рабочага візіту стала наведванне Дабраграда - інавацыйнага гарадскога паселішча, што ўзнікла і пабудавана ў выніку дзяржаўна-прыватнага партнёрства. Дабраград з'яўляецца асаблівай эканамічнай зонай, у ім пабудаваны ўжо камфартабельныя таўнхаусы, аснашчаныя самымі сучаснымі тэхналогіямі школа, дзіцячы сад і іншыя сацаб'екты, а таксама парк сямейнага адпачынку, парк-атэль, курортная зона, гольф-клуб і шмат іншага.
Плануецца, што насельніцтва Дабраграда ў бліжэйшыя пяць гадоў вырасце з 1,5 тыс. да 30 тыс. чалавек. "Аб'ём будаўніцтва тут разлічаны да 2030 года і пытанне ўдзелу ў гэтым беларускіх кампаній таксама будзе абмяркоўвацца (у час візіту беларускай дэлегацыі. - Заўвага БЕЛТА)", - сказаў Аляксандр Рэміга.
"З Беларуссю ў нас усталяваліся цёплыя адносіны. Пазіцыя губернатара рэгіёна Аляксандра Аўдзеева - поўная інтэграцыя з Беларуссю. Шэраг праектаў ужо рэалізуецца, у тым ліку ў будаўнічай сферы: губернатар даверыў менавіта беларускім кампаніям будаваць у нас аб'екты", - нагадаў першы намеснік кіраўніка рэгіёна. У прыватнасці, беларускія будаўнікі ўзводзяць у Суздалі самую вялікую школу ў рэгіёне.
"Па бізнес-супольнасці запускаюцца сумесныя праекты. Плюс у нас вельмі актыўна ўзаемадзейнічае малы бізнес - мы гэта бачым па дынаміцы: тавараабарот менавіта па малым бізнесе таксама расце. Там няма гіганцкіх лічбаў, але ёсць добрая дынаміка, і мы таксама на гэта робім стаўку. І, вядома ж, мы хацелі падзяліцца вопытам стварэння горада Дабраграда - гэта ўнікальны аб'ект не толькі для Расіі. Можна па пальцах палічыць, колькі такіх гарадоў пабудавана ва ўсім свеце: з нуля, з канкрэтнай канцэпцыяй развіцця і з канкрэтнымі задачамі", - дадаў Аляксандр Рэміга.-0-
29 мая ва Уладзімірскую вобласць прыбыла беларуская дэлегацыя на чале з міністрам эканомікі Юрыем Чабатаром і паслом Беларусі ў Расіі Дзмітрыем Крутым. Першым пунктам праграмы рабочага візіту стала наведванне Дабраграда - інавацыйнага гарадскога паселішча, што ўзнікла і пабудавана ў выніку дзяржаўна-прыватнага партнёрства. Дабраград з'яўляецца асаблівай эканамічнай зонай, у ім пабудаваны ўжо камфартабельныя таўнхаусы, аснашчаныя самымі сучаснымі тэхналогіямі школа, дзіцячы сад і іншыя сацаб'екты, а таксама парк сямейнага адпачынку, парк-атэль, курортная зона, гольф-клуб і шмат іншага.
Плануецца, што насельніцтва Дабраграда ў бліжэйшыя пяць гадоў вырасце з 1,5 тыс. да 30 тыс. чалавек. "Аб'ём будаўніцтва тут разлічаны да 2030 года і пытанне ўдзелу ў гэтым беларускіх кампаній таксама будзе абмяркоўвацца (у час візіту беларускай дэлегацыі. - Заўвага БЕЛТА)", - сказаў Аляксандр Рэміга.
"З Беларуссю ў нас усталяваліся цёплыя адносіны. Пазіцыя губернатара рэгіёна Аляксандра Аўдзеева - поўная інтэграцыя з Беларуссю. Шэраг праектаў ужо рэалізуецца, у тым ліку ў будаўнічай сферы: губернатар даверыў менавіта беларускім кампаніям будаваць у нас аб'екты", - нагадаў першы намеснік кіраўніка рэгіёна. У прыватнасці, беларускія будаўнікі ўзводзяць у Суздалі самую вялікую школу ў рэгіёне.
"Па бізнес-супольнасці запускаюцца сумесныя праекты. Плюс у нас вельмі актыўна ўзаемадзейнічае малы бізнес - мы гэта бачым па дынаміцы: тавараабарот менавіта па малым бізнесе таксама расце. Там няма гіганцкіх лічбаў, але ёсць добрая дынаміка, і мы таксама на гэта робім стаўку. І, вядома ж, мы хацелі падзяліцца вопытам стварэння горада Дабраграда - гэта ўнікальны аб'ект не толькі для Расіі. Можна па пальцах палічыць, колькі такіх гарадоў пабудавана ва ўсім свеце: з нуля, з канкрэтнай канцэпцыяй развіцця і з канкрэтнымі задачамі", - дадаў Аляксандр Рэміга.-0-
