ДЗЯРЖОРГАНЫДЗЯРЖОРГАНЫ
Серада, 20 студзеня 2021
Мінск Пераменная воблачнасць -11°C
Усе навіны
Усе навіны
Эканоміка
13 студзеня 2021, 19:29

У снежні падаражэлі агародніна і бананы, патаннелі мінералка і марожаная рыба

Фота з архіва
Фота з архіва

13 студзеня, Мінск /Кар. БЕЛТА/. У Беларусі ў снежні 2020 года падаражэлі агародніна і бананы, патаннелі мінералка і марожаная рыба, паведамляе БЕЛТА са спасылкай на даныя Нацыянальнага статыстычнага камітэта.

У цэлым агародніна падаражэла на 28,17 працэнта, прыкметней за ўсё, як і ў лістападзе, у гэтай групе выраслі цэны на свежыя агуркі (на 58,2 працэнта), памідоры (на 31,1 працэнта), і салодкі перац (на 27,76 працэнта). На 13,6 працэнта падаражэла морква, на 12,44 працэнта - буракі, на 8,06 працэнта - свежая белакачанная капуста, на 7,67 працэнта - бульба. Бананы падаражэлі на 18,06 працэнта, вінаград - на 14,55 працэнта.

Патаннела вада мінеральная (на 3,53 працэнта), марожаная рыба (на 2,85 працэнта), шампанскае (на 2,55 працэнта), соль (на 1,61 працэнта).

Мяса і мясапрадукты падаражэлі на 0,53 працэнта, малако і малочныя прадукты - на 0,58 працэнта, хлеб і хлебабулачныя вырабы - на 0,57 працэнта. Рыба і рыбапрадукты патаннелі на 0,27 працэнта.

Абеды ў сталовай сталі даражэй на 0,9 працэнта. У рэстаране і кафэ яны падняліся ў цане на 1,21 працэнта, фастфуд - на 1,15 працэнта.

Тытунёвыя вырабы падаражэлі на 0,32 працэнта, алкагольныя напіткі патаннелі на 0,33 працэнта.

Нехарчовыя тавары ў снежні сталі даражэй на 0,4 працэнта. Адзенне патаннела на 0,47 працэнта, абутак - на 1,26 працэнта. Мэбля падаражэла на 1,03 працэнта, электратавары - на 0,61 працэнта, будматэрыялы - на 0,44 працэнта, медыкаменты падняліся ў цане на 1,67 працэнта.

Кошт паслуг павысіўся на 1,72 працэнта. Найбольш прыкметна падаражэлі ў снежні паслугі цыркаў - на 18,67 працэнта і гарадскога транспарту - на 16,23 працэнта. Сталі даражэй паштовыя паслугі (на 11 працэнтаў), міжгароднія, міжнародныя тэлефонныя злучэнні (на 10,8 працэнта), паслугі міжнароднага турызму (на 10,6 працэнта). Паслугі канцэртных арганізацый патаннелі на 0,56 працэнта.

Як паведамлялася, інфляцыя ў Беларусі ў снежні склала 1,2 працэнта, за 2020 год - 7,4 працэнта.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі