Сцяг Чацвер, 13 чэрвеня 2024
Усе навіны
Усе навіны
Эканоміка
23 мая 2024, 11:44

У Саюзнай дзяржаве працуюць над стварэннем механізма субсідзіравання пасажырскіх авіяперавозак

Фота з архіва
Фота з архіва
23 мая, Мінск /Кар. БЕЛТА/. У Саюзнай дзяржаве працуюць над стварэннем механізма субсідзіравання пасажырскіх авіяперавозак, паведаміў журналістам старшыня Камісіі Парламенцкага сходу Саюза Беларусі і Расіі па транспарце Яўген Масквічоў, перадае карэспандэнт БЕЛТА.

"Напрыклад, авіязносіны паміж Мінскам і Псковам: калі тарыф атрымліваецца дарагім, то каб ён субсідзіраваўся дзвюма краінамі - гэта значыць Саюзнай дзяржавай. Для гэтага мы сёння разглядаем гэта пытанне і будзем даваць даручэнне двум міністэрствам транспарту да верасня знайсці адзіную формулу і выдзяляць грашовыя сродкі з бюджэтаў Расіі і Беларусі, для субсідзіравання цэн на білеты, - расказаў Яўген Масквічоў. - Напрыклад, у нас сёння з Масквы ва Уладзівасток лятаюць самалёты, білет каштуе не больш за 3 тыс. расійскіх рублёў. Усё астатняе - субсідзіруе дзяржава. Мы гэта робім для таго, каб нашы грамадзяне маглі сустракацца, перамяшчацца, знаёміцца з гарадамі, даведвацца пра гісторыю. Таму, нам і дадзены такія даручэнні. Прэзідэнты падтрымліваюць, і думаю, што ў гэтым годзе мы знойдзем формулу".

"Лічу, што жыхары Расіі і Беларусі павінны больш узаемадзейнічаць, тады мы будзем хутчэй збліжацца", - дапоўніў старшыня камісіі.

Сумеснае пасяджэнне Камісіі Парламенцкага сходу па бюджэце, падатках і фінансавым рынку, Камісіі Парламенцкага сходу па прамысловасці і гандлі, Камісіі Парламенцкага сходу па эканамічнай палітыцы і Камісіі Парламенцкага сходу па транспарце праходзіць у Мінску. Удзельнікі пасяджэння абмяркуюць пытанні развіцця міжрэгіянальных і прыгранічных зносін чыгуначным і аўтамабільным транспартам па запатрабаваных напрамках, стварэння механізма субсідзіравання міжнародных авіяцыйных перавозак, фарміравання пасажырскіх тарыфаў на чыгуначным транспарце ў зносінах паміж Расійскай Федэрацыяй і Рэспублікай Беларусь. Таксама ў парадку дня мерапрыемства разгляд пытанняў фарміравання і выканання бюджэту Саюзнай дзяржавы, фарміравання адзінай навукова-тэхналагічнай прасторы Саюзнай дзяржавы, падрыхтоўкі актуалізаванага прыкладнага пераліку прыярытэтных навукова-тэхналагічных і інавацыйных праграм і праектаў Саюзнай дзяржавы, арганізацыі ўліку і кіравання ўласнасцю Саюзнай дзяржавы.-0-
Падпісвайцеся на нас у
Twitter
Топ-навіны
Свежыя навіны Беларусі