ДЗЯРЖОРГАНЫДЗЯРЖОРГАНЫ
Субота, 18 студзеня 2020
Мінск Суцэльная воблачнасць 0°C
Усе навіны
Усе навіны
Эканоміка
22 лістапада 2019, 17:36

У Нацбанку расказалі аб далейшых кроках па забеспячэнні ўстойлівага развіцця эканомікі

Дзмітрый Калечыц. Фота з архіва
Дзмітрый Калечыц. Фота з архіва

22 лістапада, Мінск /Кар. БЕЛТА/. Намеснік старшыні праўлення Нацбанка Дзмітрый Калечыц сёння на семінары расказаў аб далейшых кроках па забеспячэнні ўстойлівага развіцця беларускай эканомікі, перадае карэспандэнт БЕЛТА.

"Цяпер вельмі важна сканцэнтраваць нашы намаганні ў мэтах эканамічнага развіцця краіны. Пачалася распрацоўка пяцігадовай праграмы. Тыя ідэі, якія будуць крышталізавацца ў рамках абмеркаванняў, могуць увайсці ў праграму, якая вызначыць, куды будзе рухацца краіна", - сказаў Дзмітрый Калечыц.

Неабходнай умовай для ўстойлівага развіцця з'яўляецца макраэканамічная стабільнасць. У гэтым паняцці ёсць два складнікі - фінансавая і цэнавая стабільнасць. "Гэтыя пытанні мы разглядаем у якасці асноўных мэт Нацбанка. Адпаведныя змяненні ў заканадаўства, якія неабходны для таго, каб мы маглі эфектыўна рэалізоўваць гэтыя задачы, унесены ў органы дзяржаўнага кіравання. Разлічваем на цесны дыялог і ўзаемадзеянне ў гэтай галіне з нашымі калегамі з іншых эканамічных ведамстваў, а таксама на тое, што гэтыя змяненні будуць падтрыманы і прыняты", - адзначыў намеснік старшыні праўлення Нацбанка.

На семінары будуць абмяркоўвацца пытанні ўзаемадзеяння Нацбанка з Міністэрствам фінансаў. "Збалансаванасць падаткова-бюджэтнай палітыкі, пазыковай палітыкі з'яўляецца краевугольным каменем з пункту гледжання эфектыўнасці рэалізацыі нашых мэт і ў цэлым забеспячэння макраэканамічнай стабільнасці, а значыць, і ўстойлівага эканамічнага росту", - рэзюмаваў Дзмітрый Калечыц.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі