31 студзеня, Мінск /Кар. БЕЛТА/. У Мінсельгасхарчы абмеркавалі пытанні актывізацыі двухбаковага супрацоўніцтва з Венгрыяй, паведамілі БЕЛТА ў прэс-службе ведамства.
У Мінсельгасхарчы адбылося пасяджэнне сумеснай беларуска-венгерскай рабочай групы па супрацоўніцтве ў сферы сельскай гаспадаркі.
У ходзе рабочай сустрэчы бакі абмеркавалі пытанні актывізацыі супрацоўніцтва: прыярытэты ў сельскагаспадарчай палітыцы абедзвюх краін, вопыт укаранення інавацый у сельскай гаспадарцы і развіццё арганічнага земляробства, а таксама развіццё аграрнага сектара і пытанні харчовай бяспекі.
Акрамя таго, на сустрэчы абмяркоўваўся абмен вопытам у сферы дзелавога і сектаральнага супрацоўніцтва, у тым ліку ўзаемадзеянне па пытаннях птушкагадоўлі, насенняводства і селекцыі ў рамках супрацоўніцтва з венгерскімі кампаніямі Babolna TETRA, Agrofeed, Woodstock.-0-
