7 сакавіка, Мінск /Кар. БЕЛТА/. У Мінэканомікі абмеркавалі пералік прапаноў па выключэнні празмерных патрабаванняў да суб'ектаў гаспадарання, паведамілі БЕЛТА ў прэс-службе ведамства.
Пад старшынствам дырэктара Дэпартамента па прадпрымальніцтве Вольгі Русіновіч адбылося пасяджэнне грамадска-кансультатыўнага (экспертнага) савета па развіцці прадпрымальніцтва пры Мінэканомікі. У мерапрыемстве прынялі ўдзел намеснік міністра эканомікі Дзмітрый Ярашэвіч, прадстаўнікі бізнес-асацыяцый і саюзаў, а таксама органаў дзяржкіравання і дэпутацкага корпуса.
Удзельнікі разгледзелі прапановы дзяржорганаў і прадпрымальніцкіх аб'яднанняў па аптымізацыі заканадаўчых патрабаванняў да суб'ектаў гаспадарання, што прыводзяць да негатыўных наступстваў па выніках праверак.
Па выніках пасяджэння быў адобраны прыкладны пералік прапаноў па выключэнні празмерных патрабаванняў да суб'ектаў гаспадарання. Гэтыя прапановы плануецца ў далейшым разгледзець на пасяджэннях грамадска-кансультатыўных саветаў пры дзяржорганах-рэгулятарах з удзелам прадстаўнікоў бізнесу.-0-
