20 красавіка, Мінск /Кар. БЕЛТА/. Міністр замежных спраў Беларусі Уладзімір Макей у час візіту ў Швейцарыю правёў сустрэчу з выканаўчым сакратаром Еўрапейскай эканамічнай камісіі ААН Вольгай Алгаеравай, паведамілі карэспандэнту БЕЛТА ў прэс-службе беларускага Міністэрства замежных спраў.
"Выканаўчы сакратар высока ацаніла намаганні Беларусі ў якасці старшыні ЕЭК ААН у 2019-2021 гадах па ўмацаванні патэнцыялу Камісіі, павышэнні эфектыўнасці і практычнай аддачы яе работы", - адзначаецца ў паведамленні.
Міністр падкрэсліў высокую запатрабаванасць у Беларусі практычнага міжурадавага супрацоўніцтва на платформе ЕЭК ААН, а таксама адзначыў важнасць тэхнічнага садзейнічання Беларусі па лініі Камісіі ў сферах інавацый, экалогіі, жыллёва-камунальнай палітыкі, пытаннях старэння насельніцтва, развіцця інстытута дзяржаўна-прыватнага партнёрства.
Дасягнута дамоўленасць аб аказанні ЕЭК ААН тэхнічнага садзейнічання нашай краіне па пытаннях фарміравання і ўдасканалення нацыянальных праграм эканомікі замкнутага цыкла.-0-
