Мабільная версія
ДЗЯРЖОРГАНЫ

Апошнія навіны
Усе навіны

У Беларусі зацверджаны новы парадак запаўнення падатковых дэкларацый

Эканоміка 08.02.2019 | 11:32
Фота Акчабар
Фота Акчабар

8 лютага, Мінск /Кар. БЕЛТА/. Інструкцыя аб парадку запаўнення падатковых дэкларацый (разлікаў) па падатках (зборах), кнігі пакупак зацверджана пастановай Міністэрства па падатках і зборах ад 3 студзеня 2019 года нумар 2 "Аб вылічэнні і выплаце падаткаў, збораў (пошлін), іншых плацяжоў", паведамляе БЕЛТА са спасылкай на Нацыянальны прававы інтэрнэт-партал.

Дакумент устанаўлівае формы падатковых дэкларацый (разлікаў) па падатку на дабаўленую вартасць (ПДВ), па ПДВ замежнай арганізацыі, якая аказвае паслугі ў электроннай форме для фізічных асоб, па акцызах, па падатку на прыбытак, па падатку на нерухомую маёмасць арганізацый, па зямельным падатку (сумы арэнднай платы за зямельныя ўчасткі) і інш.

Падатковыя дэкларацыі (разлікі) па падатках, зборам, што падлягаюць прадстаўленню за падатковы перыяд 2018 года, прадстаўляюцца па формах і ў адпаведнасці з парадкам іх запаўнення, зацверджанымі да ўступлення ў сілу гэтай пастановы. Што датычыцца падатковых дэкларацый (разлікаў) па адзіным парадку з ІП і іншых фізічных асоб, то яны прадстаўляюцца за студзень, люты, сакавік 2019 года або за першы квартал 2019 года па формах і ў адпаведнасці з парадкам іх запаўнення, устаноўленымі да ўступлення ў сілу пастановы. Згодна з гэтым дакументам, падатковыя дэкларацыі прадстаўляюцца за справаздачныя перыяды, пачынаючы з другога квартала 2019 года.

Пастановай таксама зацверджана інструкцыя аб парадку прадстаўлення пацвярджэння пастаннага месцазнаходжання замежнай арганізацыі, міжнароднай арганізацыі. Акрамя таго, шэраг пастаноў МПЗ і іх структурных элементаў прызнаны страціўшымі сілу.

Пастанова ўступае ў сілу пасля афіцыйнага апублікавання.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.