23 чэрвеня, Мінск /Кар. БЕЛТА/. У Беларусі з 24 чэрвеня павышаюцца цэны на аўтамабільнае паліва, паведамляе БЕЛТА са спасылкай на сайт канцэрна "Белнафтахім".
"З улікам маніторынгу сітуацыі на рынку нафты і сумежных рынках нафтапрадуктаў і ў адпаведнасці з прынятай канцэрнам стратэгіяй стрыманай індэксацыі цэн на маторнае паліва гранічны ўзровень рознічных цэн на АЗС змяняецца з 24 чэрвеня", - адзначылі ў канцэрне.
Рознічныя цэны на маторнае паліва на АЗС складуць: АІ-92-К5-Еўра - Br1,88, АІ-95-К5-Еўра - Br1,98, АІ-98-К5-Еўра - Br2,20, дызельнае паліва - Br1,98.-0-
