26 снежня, Мінск /Кар. БЕЛТА/. У Беларусі ўносяцца змяненні ў заканадаўства па пытаннях электрасувязі. Адпаведная пастанова Савета Міністраў ад 20 снежня 2019 года апублікавана на Нацыянальным прававым інтэрнэт-партале, паведамляе карэспандэнт БЕЛТА.
Як пракаменціравалі ў Міністэрстве сувязі і інфарматызацыі, карэкціроўкі накіраваны на спрашчэнне дзейнасці суб'ектаў гаспадарання. У прыватнасці, адмяняецца правядзенне вымярэнняў у поўным аб'ёме ў выпадку толькі змены наймення і месца знаходжання ўласніка (уладальніка) далучаемай сеткі электрасувязі альбо сеткі перадачы даных. Устанаўліваецца бестэрміновы тэрмін дзеяння дазволу на далучэнне сеткі электрасувязі і на эксплуатацыю галаўной станцыі сістэмы кабельнага тэлебачання.
Выключаецца неабходнасць атрымання дазволу выканкама пры будаўніцтве абаненцкіх ліній сувязі і ўводзе іх у эксплуатацыю. Галаўная станцыя сістэмы кабельнага тэлебачання павінна эксплуатавацца пры наяўнасці адпаведнага дазволу.
Акрамя таго, пастановай урэгуляваны асобныя пытанні ўзгаднення праектавання, будаўніцтва і ўводу ў эксплуатацыю оптавалаконных ліній, заканадаўчая база прыводзіцца ў адпаведнасць з указам ад 18 верасня 2019 года нумар 350 "Аб асаблівасцях выкарыстання нацыянальнага сегмента сеткі Інтэрнэт".-0-
