15 жніўня, Мінск /Кар. БЕЛТА/. У Беларусі ўбрана 81,8 працэнта збожжавых і зернебабовых культур, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 15 жніўня, збожжавыя і зернебабовыя культуры (акрамя кукурузы, грэчкі і проса) убраны амаль з 1,8 млн га, што складае 81,8 працэнта запланаванай плошчы. Па тэмпах работ лідзіруе Брэсцкая вобласць: там сабрана 96,8 працэнта плошчы (326,9 тыс. га). У Гомельскай вобласці ўбрана 90,7 працэнта ад плана (308,4 тыс. га), Гродзенскай - 91,3 працэнта (290,9 тыс. га), Мінскай - 87,2 працэнта (423 тыс. га), Магілёўскай - 67,8 працэнта (228,1 тыс. га), Віцебскай - 58 працэнтаў (219 тыс. га).
Усяго па краіне намалочана 6,779 млн т збожжа пры сярэдняй ураджайнасці 37,7 ц/га (у 2019 годзе ўраджайнасць на аналагічную дату складала 31,9 ц/га). Мінская вобласць перасягнула мяжу ў памеры 1,7 млн т збожжа, Брэсцкая і Гродзенская - 1 млн т.
Лён выцераблены на 41 тыс. га (84,3 працэнта ўборачнай плошчы). Варочанне стужак лёну праведзена на 14,1 тыс. га (34,3 працэнта да выцерабленага). Ільнотраста паднята з 1,57 тыс. га, нарыхтавана 4,63 тыс. т.
Другі ўкос траў у Беларусі праведзены на 742,5 тыс. га (90,7 працэнта ад плана). Нарыхтавана 736,3 тыс. т сена (72,9 працэнта ад плана), 12,561 млн т сенажу (99,7 працэнта) і 582,2 тыс. т сіласу (3,04 працэнта).
Усяго ў гэтым годзе плануецца атрымаць 9,3 млн т адзінак травяных кармоў, прычым найбольшая доля прыпадае на Мінскую і Брэсцкую вобласці. Да гэтага часу нарыхтавана 43,1 працэнта ад плана. Сіласу плануецца нарыхтаваць амаль 19,2 млн т, сенажу - 12,6 млн т (у тым ліку ў палімерную ўпакоўку 1,1 млн т), сена - 1,01 млн т.-0-
