19 верасня, Мінск /Кар. БЕЛТА/. Арганізацыямі ўсіх форм уласнасці ў студзені-жніўні пабудавана 26 тыс. новых кватэр, уведзена ў эксплуатацыю 2319 тыс. кв.м жылля, паведамілі БЕЛТА ў Нацыянальным статыстычным камітэце.
Для грамадзян, якія стаяць на ўліку маючых патрэбу ў паляпшэнні жыллёвых умоў, уведзена ў эксплуатацыю 1020,8 тыс. кв.м, або 44 працэнты ад агульнага аб'ёму ўведзенага жылля. З іх з выкарыстаннем дзяржаўнай падтрымкі - 786,3 тыс. кв.м.
У сельскіх населеных пунктах уведзена ў эксплуатацыю 712,3 тыс. кв.м жылля, або 30,7 працэнта ад агульнага ўводу па краіне.-0-