15 кастрычніка, Мінск /Кар. БЕЛТА/. У Беларусі ў 2024 годзе плануюць пабудаваць і рэканструяваць 3 тыс. км ліній электраперадачы. Аб гэтым заявіў журналістам міністр энергетыкі Аляксей Кушнарэнка ў час Беларускага энергетычнага і экалагічнага форуму, перадае карэспандэнт БЕЛТА.
"Мы працуем у адпаведнасці з пяцігадовымі галіновымі планамі. Але гэтыя планы не статычныя, кожны год з інавацый і сусветных трэндаў мы выбіраем лепшае, укараняем самыя перадавыя тэхналогіі, трансфармуем галіновыя праграмы, якія накіраваны на павышэнне якасці нашых паслуг. Мы ў гэтым годзе плануем пабудаваць каля 900 км газавых сетак, рэканструяваць і пабудаваць 3 тыс. км ліній электраперадачы, замяніць 260 км цеплавых сетак. На пастаяннай аснове ідзе рэканструкцыя і мадэрнізацыя трансфарматарных падстанцый, газаразмеркавальных пунктаў. Усё гэта нацэлена на безаварыйнае, бесперабойнае энергазабеспячэнне спажыўцоў", - сказаў Аляксей Кушнарэнка.
Асаблівую ўвагу Мінэнерга ўдзяляе лічбавізацыі. "Працэс лічбавізацыі ў пастаяннай зоне ўвагі нашага міністэрства. Па сутнасці, мы ўжо стварылі лічбавы двайнік у газавай галіне. Цяпер адпаведныя работы праводзяцца ў электраэнергетыцы, у цеплаэнергетыцы для таго, каб цалкам алічбаваць як тэхналагічныя, так і бізнес-працэсы, якія адбываюцца ў энергасістэме Беларусі", - адзначыў міністр.
"Мы працуем у адпаведнасці з пяцігадовымі галіновымі планамі. Але гэтыя планы не статычныя, кожны год з інавацый і сусветных трэндаў мы выбіраем лепшае, укараняем самыя перадавыя тэхналогіі, трансфармуем галіновыя праграмы, якія накіраваны на павышэнне якасці нашых паслуг. Мы ў гэтым годзе плануем пабудаваць каля 900 км газавых сетак, рэканструяваць і пабудаваць 3 тыс. км ліній электраперадачы, замяніць 260 км цеплавых сетак. На пастаяннай аснове ідзе рэканструкцыя і мадэрнізацыя трансфарматарных падстанцый, газаразмеркавальных пунктаў. Усё гэта нацэлена на безаварыйнае, бесперабойнае энергазабеспячэнне спажыўцоў", - сказаў Аляксей Кушнарэнка.
Асаблівую ўвагу Мінэнерга ўдзяляе лічбавізацыі. "Працэс лічбавізацыі ў пастаяннай зоне ўвагі нашага міністэрства. Па сутнасці, мы ўжо стварылі лічбавы двайнік у газавай галіне. Цяпер адпаведныя работы праводзяцца ў электраэнергетыцы, у цеплаэнергетыцы для таго, каб цалкам алічбаваць як тэхналагічныя, так і бізнес-працэсы, якія адбываюцца ў энергасістэме Беларусі", - адзначыў міністр.
Беларускі энергетычны і экалагічны форум праводзіцца з 1995 года, прыцягваючы ўвагу вядучых беларускіх і сусветных вытворцаў энергаэфектыўнага абсталявання, тэхналогій і матэрыялаў для энергетыкі, нафтахіміі, жыллёва-камунальнай гаспадаркі, вытворчага сектара і прыродаахоўнай дзейнасці ў Беларусі і з'яўляецца буйнейшай у краіне прэзентацыйнай пляцоўкай па гэтых тэматыках. У гэтым годзе на форуме сваю прадукцыю і паслугі прадстаўляюць больш за 200 прадпрыемстваў і арганізацый. Сярод іх буйнейшыя прадпрыемствы энергетычнай галіны Беларусі і замежныя кампаніі, зацікаўленыя ў пашырэнні прадукцыі на беларускі рынак.-0-
Падпісвайцеся на нас у
