ДЗЯРЖОРГАНЫДЗЯРЖОРГАНЫ
Флаг Чацвер, 20 студзеня 2022
Мінск -4°C
Усе навіны
Усе навіны
Эканоміка
17 лістапада 2021, 12:57

У Беларусі створаць агенцтва для спрашчэння і лічбавізацыі адмінпрацэдур

Фота з архіва
Фота з архіва

17 лістапада, Мінск /Кар. БЕЛТА/. Савет Міністраў прыняў пастанову нумар 646 ад 15 лістапада 2021 года "Аб зніжэнні адміністрацыйнай нагрузкі і лічбавізацыі адміністрацыйных працэдур", паведамляе БЕЛТА са спасылкай на Нацыянальны прававы інтэрнэт-партал.

У прыватнасці, прававы акт прадугледжвае стварэнне Банкам развіцця спецыялізаванага Агенцтва сэрвісізацыі і рэінжынірынгу. Агенцтва будзе створана ў форме адкрытага акцыянернага таварыства для паэтапнага аналізу і падрыхтоўкі прапаноў аб скарачэнні і спрашчэнні адмінпрацэдур, рэінжынірынгу бізнес-працэсаў, лічбавізацыі. У ліку асноўных задач агенцтва - стварэнне і вядзенне рэестраў метаданых і электронных сэрвісаў, праектаванне, стварэнне, эксплуатацыя, мадэрнізацыя і развіццё на дагаворных умовах інфармацыйных рэсурсаў (сістэм) і платформ, прызначаных для адмінпрацэдур.

Пад рэінжынірынгам бізнес-працэсаў ажыццяўлення адміністрацыйных працэдур маецца на ўвазе змяненне парадку адмінпрацэдуры і вызначэнне найлепшага спосабу яе выканання з улікам зніжэння фінансавых, часавых і працоўных затрат у мэтах павышэння якасці аказваемых паслуг.

Асноўныя палажэнні пастановы ўступаюць у сілу праз 10 дзён пасля яе афіцыйнага апублікавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі