У Беларусі стартаваў прыём заявак для ўдзелу ў конкурсе "Прадпрымальнік года"

1 красавіка, Мінск /Кар. БЕЛТА/. У Беларусі стартаваў прыём заявак для ўдзелу ў конкурсе "Прадпрымальнік года", паведамілі БЕЛТА ў прэс-службе Мінэканомікі.

Конкурс праводзіцца сярод юрыдычных асоб і індывідуальных прадпрымальнікаў па наступных намінацыях: "Паспяховы старт" (бізнесу ад 2 да 4 гадоў), "Стабільны поспех" (бізнесу больш за 5 гадоў), "Эфектыўны бізнес у сферы вытворчасці" (бізнесу больш за 3 гады), "Эфектыўны бізнес у сферы паслуг" (бізнесу больш за 3 гады), "Эфектыўны індывідуальны бізнес" (для ІП, больш за 3 гады).

Грашовы прыз для пераможцаў у чатырох намінацыях складае 100 базавых велічынь, у намінацыі "Эфектыўны індывідуальны бізнес" ІП узнагароджваюцца прэміяй у памеры 50 базавых велічынь.

Пераможцам таксама прадастаўляецца права выкарыстоўваць лагатып конкурсу ў рэкламных мэтах.

"Удзел у конкурсе - цудоўная магчымасць заявіць аб сваім бізнесе, а перамога ў конкурсе - магчымасць пацвердзіць дзелавой супольнасці прафесіяналізм сваёй каманды", - адзначылі ў Мінэканомікі.

Заяўкі прымаюцца да 1 чэрвеня па месцы знаходжання суб'екта гаспадарання. Падрабязная інфармацыя размешчана на сайце міністэрства.-0-