Сцяг Чацвер, 28 сакавіка 2024
Усе навіны
Усе навіны
Эканоміка
30 лістапада 2021, 14:24

У Беларусі скарачаецца колькасць малазабяспечаных сем'яў

30 лістапада, Мінск /Кар. БЕЛТА/. У Беларусі скарачаецца колькасць малазабяспечаных сем'яў. Аб гэтым заявіла сёння намеснік міністра эканомікі Таццяна Бранцэвіч, каменціруючы карэспандэнту БЕЛТА свежыя даныя аб узроўні матэрыяльнай забяспечанасці дамашніх гаспадарак.

"Эканоміка стабільна прырастае: плюс 2,4 працэнта за 10 месяцаў. Прадпрыемствы выбудавалі дзейсныя стратэгіі вытворчасці і продажаў прадукцыі, мадыфікавалі свае фінансавыя патокі. Гэта, безумоўна, станоўча ўплывае на паступленне падаткаў у бюджэт і дынаміку зарплат працоўных калектываў", - сказала Таццяна Бранцэвіч.

Паводле яе слоў, такія спрыяльныя тэндэнцыі, з аднаго боку, даюць магчымасць людзям самім зарабіць больш, што пацвярджаецца свежай статыстыкай заработных плат: плюс 2,5 працэнта за месяц. А з іншага, узмацняюць магчымасці дзяржавы для больш эфектыўнага выканання сваіх сацыяльных абавязацельстваў, у выніку чаго скарачаецца ўзровень малазабяспечанасці насельніцтва. "У трэцім квартале ў параўнанні з аналагічным перыядам мінулага года паказчык знізіўся на 0,8 працэнтнага пункта да 4 працэнтаў. Асабліва ўражвае дынаміка ў сельскай мясцовасці: мінус 2 працэнтныя пункты. Такім чынам, "зарплатныя нажніцы" паступова сыходзяцца. Гэта значыць змяншаецца доля людзей з нізкім узроўнем сярэднедушавога даходу за кошт іх пераходу ў больш высокую катэгорыю", - падкрэсліла намеснік міністра эканомікі.-0-

Падпісвайцеся на нас у
Twitter
Топ-навіны
Свежыя навіны Беларусі