Фота Дзяржаўнага камітэта па стандартызацыі
12 сакавіка, Мінск /Кар.БЕЛТА/. Тры дзяржаўныя стандарты ў галіне струннага транспарту прымуць у Беларусі, распрацаваны іх праекты, паведамілі БЕЛТА ў прэс-службе Дзяржаўнага камітэта па стандартызацыі.
Першым з іх стане стандарт тэрмінаў і азначэнняў у гэтай сферы. Ён прадстаўлены на зацвярджэнне ў Дзяржстандарт. Яшчэ два праекты дзяржаўных стандартаў, што ўстанаўліваюць патрабаванні да грузавых і пасажырскіх рэйкавых транспартных сродкаў, да канца сакавіка праходзяць метралагічную экспертызу, а затым будуць накіраваны на нарматыўна-тэхнічную.
Было адзначана, што для нашай краіны беспілотныя электрычныя рэйкавыя транспартныя сродкі - новы від транспарту, аднак у многіх дзяржавах яны ўжо атрымалі шырокае распаўсюджванне.
"Пытанне, якое абмяркоўваецца, цалкам накіравана на вырашэнне задач апераджальнай стандартызацыі для садзейнічання рэалізацыі амбіцыйных інвацыйных праектаў, - адзначыў першы намеснік старшыні Дзяржстандарту Аляксандр Бурак. - Вельмі важна ўключаць у такую работу як мага больш арганізацый-распрацоўшчыкаў, што будзе мець станоўчы эфект і забяспечыць умовы для прымянення найбольш сучасных патрабаванняў у эканоміцы".
Дарэчы, названыя дакументы будуць запатрабаваны на практыцы: яны неабходны для рэалізацыі праекта па стварэнні транспартна-інфраструктурнага комплексу ў санаторыі "Сосны" Кіраўніцтва справамі Прэзідэнта. Гэты праект у 2024 годзе ўключаны ў інвестыцыйную праграму "Адзін раён - адзін праект". Прымяненне стандартаў забяспечыць узаемаразуменне паміж усімі яго ўдзельнікамі і паслужыць тэхнічнаму адзінству і ўзаемасувязі струнных тэхналогій з іншымі галінамі навукі і тэхнікі ў працэсе распрацоўкі, вытворчасці, эксплуатацыі струннага транспарту і аказання паслуг, бяспечных для жыцця і здароўя.
У Дзяржстандарце расказалі, што ўсе распрацоўкі выкананы па ініцыятыве і за кошт сродкаў ЗАТ "Струнныя тэхналогіі", што з'яўляецца яскравым прыкладам разумення прадпрыемствам пераваг стандартызацыі для ўласнага развіцця, пашырэння інавацый і забеспячэння лідарскіх пазіцый на рынку.
"Паколькі мы з'яўляемся акрэдытаванай праектнай і навуковай арганізацыяй, нам важна прыцягнуць у нашу праблематыку навуковую супольнасць, беларускія арганізацыі. Мы ж бачым толькі тыя пытанні, у якіх "варымся". Для нас было важна атрымаць іншае меркаванне, вынесці на грамадскае абмеркаванне той вопыт, якога мы дасягнулі менавіта праз стандарты", - падкрэсліў намеснік генеральнага канструктара па комплексных распрацоўках і ўкараненні ЗАТ "Струнныя тэхналогіі" Віктар Гарах.
Гучалі прапановы ў адрас прадпрыемства не спыняцца на трох стандартах, а прадоўжыць іх распрацоўку ў фармаце сістэмы такіх стандартаў, уключаючы і іншыя аспекты "струннай" інфраструктуры, у тым ліку ўтылізацыі. Новыя прапановы пры іх наяўнасці могуць быць дададзены ў план дзяржаўнай стандартызацыі на бягучы год. Для ўсебаковага ўліку меркаванняў у гэтым працэсе на базе прадпрыемства плануецца стварыць профільны тэхнічны камітэт па стандартызацыі.-0-
Першым з іх стане стандарт тэрмінаў і азначэнняў у гэтай сферы. Ён прадстаўлены на зацвярджэнне ў Дзяржстандарт. Яшчэ два праекты дзяржаўных стандартаў, што ўстанаўліваюць патрабаванні да грузавых і пасажырскіх рэйкавых транспартных сродкаў, да канца сакавіка праходзяць метралагічную экспертызу, а затым будуць накіраваны на нарматыўна-тэхнічную.
Было адзначана, што для нашай краіны беспілотныя электрычныя рэйкавыя транспартныя сродкі - новы від транспарту, аднак у многіх дзяржавах яны ўжо атрымалі шырокае распаўсюджванне.
"Пытанне, якое абмяркоўваецца, цалкам накіравана на вырашэнне задач апераджальнай стандартызацыі для садзейнічання рэалізацыі амбіцыйных інвацыйных праектаў, - адзначыў першы намеснік старшыні Дзяржстандарту Аляксандр Бурак. - Вельмі важна ўключаць у такую работу як мага больш арганізацый-распрацоўшчыкаў, што будзе мець станоўчы эфект і забяспечыць умовы для прымянення найбольш сучасных патрабаванняў у эканоміцы".
Дарэчы, названыя дакументы будуць запатрабаваны на практыцы: яны неабходны для рэалізацыі праекта па стварэнні транспартна-інфраструктурнага комплексу ў санаторыі "Сосны" Кіраўніцтва справамі Прэзідэнта. Гэты праект у 2024 годзе ўключаны ў інвестыцыйную праграму "Адзін раён - адзін праект". Прымяненне стандартаў забяспечыць узаемаразуменне паміж усімі яго ўдзельнікамі і паслужыць тэхнічнаму адзінству і ўзаемасувязі струнных тэхналогій з іншымі галінамі навукі і тэхнікі ў працэсе распрацоўкі, вытворчасці, эксплуатацыі струннага транспарту і аказання паслуг, бяспечных для жыцця і здароўя.
У Дзяржстандарце расказалі, што ўсе распрацоўкі выкананы па ініцыятыве і за кошт сродкаў ЗАТ "Струнныя тэхналогіі", што з'яўляецца яскравым прыкладам разумення прадпрыемствам пераваг стандартызацыі для ўласнага развіцця, пашырэння інавацый і забеспячэння лідарскіх пазіцый на рынку.
"Паколькі мы з'яўляемся акрэдытаванай праектнай і навуковай арганізацыяй, нам важна прыцягнуць у нашу праблематыку навуковую супольнасць, беларускія арганізацыі. Мы ж бачым толькі тыя пытанні, у якіх "варымся". Для нас было важна атрымаць іншае меркаванне, вынесці на грамадскае абмеркаванне той вопыт, якога мы дасягнулі менавіта праз стандарты", - падкрэсліў намеснік генеральнага канструктара па комплексных распрацоўках і ўкараненні ЗАТ "Струнныя тэхналогіі" Віктар Гарах.
Гучалі прапановы ў адрас прадпрыемства не спыняцца на трох стандартах, а прадоўжыць іх распрацоўку ў фармаце сістэмы такіх стандартаў, уключаючы і іншыя аспекты "струннай" інфраструктуры, у тым ліку ўтылізацыі. Новыя прапановы пры іх наяўнасці могуць быць дададзены ў план дзяржаўнай стандартызацыі на бягучы год. Для ўсебаковага ўліку меркаванняў у гэтым працэсе на базе прадпрыемства плануецца стварыць профільны тэхнічны камітэт па стандартызацыі.-0-
Падпісвайцеся на нас у
