6 красавіка, Мінск /Кар. БЕЛТА/. Новыя будаўнічыя нормы зацверджаны ў Беларусі. Гэта прадугледжана пастановамі Міністэрства архітэктуры і будаўніцтва, якія сёння афіцыйна апублікаваны на Нацыянальным прававым інтэрнэт-партале, паведамляе БЕЛТА.
У прыватнасці, пастановай нумар 90 ад 16 лістапада 2020 года зацверджаны будаўнічыя нормы "Гідратэхнічныя збудаванні спецыяльнага прызначэння". Яны ўстанаўліваюць патрабаванні да праектавання гідратэхнічных збудаванняў спецыяльнага прызначэння: гідраэлектрастанцый, суднаходных шлюзаў, партовых збудаванняў, збудаванняў суднабудаўнічых і суднарамонтных прадпрыемстваў, рыбапрапускных і рыбаахоўных збудаванняў.
Пастановай Мінбудархітэктуры нумар 86 ад 16 лістапада 2020 года зацверджаны буднормы, якія датычацца генеральных планаў прамысловых і сельскагаспадарчых прадпрыемстваў. Гэтыя нормы ўстанаўліваюць патрабаванні да распрацоўкі генеральных планаў у складзе праектнай дакументацыі ўзводзімых і рэканструюемых будынкаў і збудаванняў прамысловых і сельскагаспадарчых прадпрыемстваў, а таксама генеральных планаў прамысловых вузлоў.
Усе гэтыя будаўнічыя нормы распрацаваны РУП "Будтэхнорм" і ўнесены галоўным упраўленнем горадабудаўніцтва, праектнай, навукова-тэхнічнай і інавацыйнай палітыкі Мінбудархітэктуры. Яны будуць уведзены ў дзеянне праз 60 каляндарных дзён пасля іх афіцыйнага апублікавання.
З усімі дзеючымі тэхнічнымі нарматыўнымі прававымі актамі ў галіне будаўніцтва, а таксама з праектамі дакументаў у гэтай сферы можна азнаёміцца на афіцыйным сайце Мінбудархітэктуры (www.mas.gov.by) у раздзеле "Будаўнічыя нормы і правілы".-0-