ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Эканоміка
03 жніўня 2020, 11:52

У Беларусі прапануюць дазволіць продаж ювелірных вырабаў праз інтэрнэт

Фота з архіва
Фота з архіва

3 жніўня, Мінск /Кар. БЕЛТА/. У Беларусі прапануюць дазволіць продаж ювелірных вырабаў праз інтэрнэт. Адпаведны праект указа вынесены на грамадскае абмеркаванне на Прававым форуме, паведамляе БЕЛТА.

Згодна з праектам указа, гандаль ювелірнымі вырабамі праз інтэрнэт могуць дазволіць у час пілотнага праекта з 1 верасня 2020 года па 31 жніўня 2022 года. Пры гэтым прадаваемыя ўпрыгажэнні павінны быць выраблены ў Беларусі і маркіраваны кодамі ідэнтыфікацыі.

Пасля заканчэння пілотнага праекта плануецца дазволіць інтэрнэт-гандаль імпартуемых ювелірных вырабаў пры ўмове іх маркіроўкі.

Цяпер пакупнік можа выбраць ювелірны выраб на сайце прадаўца, але аплаціць і атрымаць яго - толькі ў самім магазіне. Ва ўмовах цяперашняй эпідсітуацыі айчынныя вытворцы прапанавалі дазволіць продаж ювелірных вырабаў у інтэрнэце.

Арганізатар грамадскага абмеркавання - Міністэрства фінансаў. Заўвагі і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання з 3 па 12 жніўня на адрас электроннай пошты dragmet@minfin.gov.by.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі