12 снежня, Мінск /Кар. БЕЛТА/. У Беларусі прапануецца павялічыць базавую велічыню да Br27. Адпаведны праект пастановы знаходзіцца на разглядзе ў Савеце Міністраў, паведамілі карэспандэнту БЕЛТА ў прэс-службе Міністэрства фінансаў.
Як адзначылі ў ведамстве, звычайна базавая велічыня ў Беларусі павялічваецца з 1 студзеня.
У 2017 годзе БВ складала Br23, у 2018-м вырасла да Br24,5. З 1 студзеня 2019 года памер базавай велічыні складае Br25,5. Ад гэтага паказчыка залежаць памеры некаторых дапамог, стыпендый, падаткаў і збораў, штрафаў, іншых выплат. У тым ліку - дапамог па беспрацоўі і стыпендый беспрацоўным, што накіроўваюцца службай занятасці на вучобу.-0-
