У Беларусі намалочана 1,75 млн тон збожжа

30 ліпеня, Мінск /Кар. БЕЛТА/. У Беларусі намалочана 1,75 млн т збожжа. Аб гэтым паведамілі БЕЛТА ў прэс-службе Мінсельгасхарча.

"Паводле аператыўных даных на 30 ліпеня, са збожжавых палёў краіны намалочана 1 млн 750 тыс. т збожжа. Сярэдняя ўраджайнасць вышэйшая за папярэдні год на 8,7 ц/га", - паведамілі ў прэс-службе.

Уклад у агульны каравай кожнай вобласці склаў: Брэсцкая - 467 тыс. т, Віцебская - 81 тыс. т, Гомельская - 211 тыс. т, Гродзенская - 437 тыс. т, Мінская - 402 тыс. т, Магілёўская - 152 тыс. т. Збожжавыя і зернебабовыя культуры без кукурузы, грэчкі і проса ўбраны з 21 працэнта плошчы, што складае 411 тыс. га.

Азімы ячмень убраны на 94 працэнтах плошчы, азімы рапс на зерне - на 160 тыс. га (42 працэнты ўсёй плошчы). Намалочана 917 тыс. т азімага ячменю ўраджайнасцю 39,9 ц/га, што таксама вышэй за мінулагодні на 7,6 ц/га, а таксама 338 тыс. т рапсу.

Выцераблена лёну на 16 тыс. га, што складае амаль 34 працэнты запланаванай плошчы.

Скошана траў другога ўкосу на плошчы 784 тыс. га (73 працэнты плана), нарыхтавана сена 278 тыс. т (амаль 39 працэнтаў плана), сенажу - 10 млн 800 тыс. т (77 працэнтаў плана), у тым ліку ў палімернай упакоўцы 295 тыс. т. Травяных кармоў нарыхтавана 3 млн 266 тыс. т - 32 працэнты да плана.-0-