5 верасня, Мінск /Кар. БЕЛТА/. У Беларусі намалацілі ўжо больш за 7,5 млн т збожжа (разам з грэчкай і просам). Аб гэтым сведчыць аператыўная інфармацыя Міністэрства сельскай гаспадаркі і харчавання, паведамляе БЕЛТА.
Па стане на 5 верасня ў Беларусі намалочана больш за 7,5 млн т збожжа (разам з грэчкай і просам). У агульным намалоце 1886,6 тыс. т складае ўклад аграрыяў Мінскай вобласці, 1348 тыс. т - Гродзенскай, 1231,4 тыс. т - Брэсцкай, 1166,9 тыс. т - Магілёўскай. У Гомельскай намалочана 996,6 тыс. т, у Віцебскай вобласці, якая апошняй уключылася ў жніво, - 911,7 тыс. т збожжа.
Збожжавыя і зернебабовыя ўбраны з 2112,9 тыс. га, што складае 97,7 працэнта агульнай плошчы. У сярэднім з аднаго гектара ў бягучым годзе аграрыі ўбіраюць 35,7 ц збожжа. Лідарам па ўраджайнасці з'яўляецца Гродзенская вобласць (42,7 ц/га).-0-
