8 жніўня, Мінск /Кар. БЕЛТА/. Беларускія аграрыі намалацілі больш за 4 млн т збожжа, паведамляе БЕЛТА са спасылкай на сайт Міністэрства сельскай гаспадаркі і харчавання.
Паводле інфармацыі на 8 жніўня збожжавыя і зернебабовыя культуры ўбраны з больш як 1,460 млн га, што складае 68,3 працэнта запланаванай плошчы. Усяго па краіне намалочана звыш 4 млн т збожжа пры сярэдняй ураджайнасці 27,5 ц/га. У гэтым годзе масавая ўборка пачалася раней у параўнанні з мінулым годам. У 2017-м па стане на 8 жніўня аграрыі намалацілі 2,794 млн т збожжа.
Па тэмпах работ лідзіруе Брэсцкая вобласць: там убрана 88,8 працэнта ад плана. У Гродзенскай вобласці ўбрана 81,3 працэнта плошчаў, Мінскай - 74,8 працэнта, Гомельскай - 62,8 працэнта, Віцебскай - каля 50 працэнтаў і Магілёўскай - 48,7 працэнта плошчаў.-0-
