Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

У Беларусі адзначаюць узрастаючую цікавасць нідэрландскага бізнесу да стварэння сумесных вытворчасцей

Эканоміка 13.03.2019 | 16:27
Мікалай Барысевіч. Фота часопіса "Конъюнктура рынков"
Мікалай Барысевіч. Фота часопіса "Конъюнктура рынков"

13 сакавіка, Мінск /Кар. БЕЛТА/. Надзвычайны і Паўнамоцны Пасол Беларусі ў Нідэрландах Мікалай Барысевіч у інтэрв'ю часопісу "Конъюнктура рынков" адзначыў узрастаючую цікавасць нідэрландскага бізнесу да стварэння сумесных вытворчасцей з Беларуссю, паведамляе БЕЛТА.

"У цэлым мы адзначаем узрастаючую цікавасць нідэрландскіх бізнесменаў да стварэння новых сумесных вытворчасцей у нашай краіне, перш за ўсё ў галіне дрэваапрацоўкі, АПК, лагістыкі, энергетыкі, медыцыны", - расказаў дыпламат.

У Беларусі працуюць больш за 100 арганізацый з нідэрландскім капіталам, гэта і сумесныя прадпрыемствы, і замежныя прадстаўніцтвы. Агульны аб'ём накопленых інвестыцый з Нідэрландаў у рэальным сектары эканомікі па стане на 1 кастрычніка 2018 года склаў $822,6 млн - гэта 5-е месца пасля Расіі, Кіпра, Кітая і Вялікабрытаніі.

Нідэрландскія кампаніі займаюцца ў Беларусі вытворчасцю піва, электралямпаў, лякарстваў, стальных вырабаў і пластмас, а таксама вырошчваннем яблыкаў, морквы, капусты, цыбулі і бульбы.

Тавараабарот паміж краінамі ў мінулым годзе склаў $1,75 млрд (124,9 працэнта да 2017 года), пры гэтым сальда склалася на карысць Беларусі.

На думку Мікалая Барысевіча, ёсць магчымасці для развіцця супрацоўніцтва з Нідэрландамі ў сельскай гаспадарцы, грузаперавозках, кіраванні воднымі рэсурсамі. У гэтых сферах Нідэрланды дабіліся вялікіх поспехаў, і ў іх ёсць чаму павучыцца, адзначыў пасол.

"На мой погляд, існуюць усе перадумовы для далейшай інтэнсіфікацыі двухбаковага супрацоўніцтва ў чыгуначнай і аўтамабільнай сферы, у тым ліку для стварэння чыгуначнага грузавога транспартнага калідора з Ротэрдама ў Кітай праз Германію, Польшчу і Беларусь, а таксама для сумеснага развіцця чыгуначнага тэрмінала ў беларускім пагранічным пункце пропуску "Брузгі", - сказаў дыпламат.

Акрамя таго, перспектыўнымі і ўзаемавыгаднымі напрамкамі ён назваў інвестыцыйнае супрацоўніцтва, прамысловую кааперацыю, узаемадзеянне ў галіне аднаўляльных крыніц энергіі, у сектарах высокіх тэхналогій, садоўніцтва і кветкаводства, крэатыўнай індустрыі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.