Мабільная версія
ДЗЯРЖОРГАНЫ

Апошнія навіны
Усе навіны

У Беларусі адзначаецца не толькі колькасны, але і якасны рост прадпрымальніцтва - Румас

Эканоміка 20.11.2019 | 18:47
Сяргей Румас
Сяргей Румас

20 лістапада, Мінск /Кар. БЕЛТА/. У Беларусі адзначаецца не толькі колькасны, але і якасны рост прадпрымальніцтва. Аб гэтым заявіў сёння на цырымоніі ўзнагароджання пераможцаў нацыянальнага конкурсу "Прадпрымальнік года" прэм'ер-міністр Сяргей Румас, перадае карэспандэнт БЕЛТА.

"Цяпер назіраецца істотны рост беларускага прадпрымальніцтва з пункту гледжання не толькі колькасных, але і якасных паказчыкаў, - адзначыў кіраўнік урада. - Я ўпэўнены, што далейшае развіццё залежыць ад прадпрымальніцкага сектара больш, чым ад іншых. Каб стварыць адпаведныя ўмовы, мы гатовы прыкласці максімум намаганняў".

Прадаўжаючы зададзены кіраўніком дзяржавы курс на ўдасканаленне дзейнасці ў прадпрымальніцкай сферы, урад праводзіць работу па ліквідацыі залішніх адміністрацыйных бар'ераў, з якімі сутыкаецца бізнес-супольнасць. Указам кіраўніка дзяржавы нумар 326 спрошчаны патрабаванні да атрымання ліцэнзіі. У мэтах пашырэння падтрымкі прадпрымальнікаў у тых сферах, якія з'яўляюцца найбольш важнымі для дзяржавы, палепшаны ўмовы дзейнасці суб'ектаў інавацыйнай інфраструктуры. Тэхнапаркі атрымалі магчымасць праводзіць гібкую арэндную палітыку ў адносінах да рэзідэнтаў, а таксама ствараць фонды інавацыйнага развіцця.

"Мы бачым, што значная частка бізнесу найбольш актыўна працуе над развіццём сферы паслуг. Паскораны рух у гэтым напрамку і інтарэсы бізнесу будуць улічаны пры распрацоўцы праграмы развіцця сферы паслуг да 2025 года", - адзначыў прэм'ер.

Ён нагадаў, што ўрад зрабіў акцэнт на наладжванні здаровага і бесперапыннага дзяржаўна-прыватнага дыялогу. "Наша размова вядзецца адразу на некалькіх пляцоўках: у саветах па развіцці прадпрымальніцтва пры мясцовых органах улады, у грамадска-кансультатыўных саветах пры міністэрствах і на іх афіцыйных сайтах", - рэзюмаваў Сяргей Румас.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.