Фота з архіва
3 сакавіка, Мінск /Кар. БЕЛТА/. Міністэрства па падатках і зборах растлумачыла прымяненне стаўкі 25 працэнтаў да даходаў у выглядзе страхавой кампенсацыі і страхавога ўзносу, паведамілі БЕЛТА ў МПЗ.
У Падатковым кодэксе з 1 студзеня 2024 года ўведзены нормы падаткаабкладання так званых звышдаходаў па стаўцы 25 працэнтаў. Гэта сукупнасць даходаў, якія атрымалі грамадзяне ад крыніц у Беларусі на трох падставах: па працоўным дагаворы, у выглядзе дывідэндаў і па грамадзянска-прававым дагаворы, прадметам якога з'яўляецца выкананне работ, аказанне паслуг, стварэнне аб'ектаў інтэлектуальнай уласнасці. Словам, аналізуюцца толькі тры віды даходаў. Іх агульная сума павінна за год перавысіць Br200 тыс.
Згодна з п.1 арт.817 Грамадзянскага кодэкса страхаванне ажыццяўляецца ў добраахвотным парадку на падставе дагавораў. Па дагаворы асабістага страхавання страхоўшчык абавязуецца за абумоўлены дагаворам страхавы ўзнос (страхавую прэмію) выплачваць адзнаразова або перыядычна страхавое забеспячэнне ў межах абумоўленай дагаворам сумы ў выпадку прычынення шкоды жыццю або здароўю самога страхавальніка ці іншай застрахаванай асобы або дасягнення імі пэўнага ўзросту ці надыходу ў іх жыцці іншай прадугледжанай дагаворам падзеі (страхавога выпадку).
Такім чынам, прадметам дагавора асабістага страхавання з'яўляецца не выкананне работ, аказанне паслуг, стварэнне аб'ектаў інтэлектуальнай уласнасці, а страхавая абарона маёмасных інтарэсаў.
У сувязі з гэтым стаўка падаходнага падатку ў памеры 25 працэнтаў не распаўсюджваецца на налічаныя фізічнай асобе на працягу 2024 года беларускай страхавой арганізацыяй даходы ў выглядзе страхавой кампенсацыі і (або) страхавога забеспячэння ў сувязі з надыходам адпаведных страхавых выпадкаў па дагаворах добраахвотнага страхавання жыцця і добраахвотнага страхавання дадатковай пенсіі, незалежна ад тэрміну, на які такія дагаворы заключаліся, і таго, кім (падатковым агентам, фізічнай асобай, якая заключыла дагавор, іншай асобай) ажыццяўлялася выплата ўзносаў па гэтых дагаворах.
Таксама стаўка 25 працэнтаў не распаўсюджваецца на страхавыя ўзносы, выплачаныя фізічнай асобай па дагаворы добраахвотнага страхавання і вернутыя яму ў сувязі з датэрміновым скасаваннем такога дагавора.
Адносна даходаў, якія атрымліваюцца работнікамі ад наймальнікаў у выглядзе аплаты страхавых паслуг, згодна з арт.7 Працоўнага кодэкса крыніцамі прававога рэгулявання працоўных і звязаных з імі адносін у арганізацыі з'яўляюцца акты заканадаўства аб працы, калектыўныя дагаворы, пагадненні і іншыя лакальныя прававыя акты, заключаныя і прынятыя ў адпаведнасці з заканадаўствам, працоўныя дагаворы. Такім чынам, пры наяўнасці працоўных адносін паміж арганізацыяй-наймальнікам і фізічнай асобай - работнікам даходы, якія налічваюцца такому работніку як у адпаведнасці з працоўным дагаворам, так і з прынятым ва ўстаноўленым парадку лакальным прававым актам (калектыўным дагаворам, пагадненнем), адносяцца да даходаў у рамках працоўных адносін.
Адпаведна, даходы ў выглядзе аплаты наймальнікам на карысць работнікаў страхавых паслуг страхавых арганізацый Беларусі па дагаворах добраахвотнага страхавання адносяцца да даходаў, налічаных у рамках працоўных адносін, і падлягаюць уключэнню ў сукупнасць даходаў, якія абкладаюцца па стаўцы 25 працэнтаў.-0-
У Падатковым кодэксе з 1 студзеня 2024 года ўведзены нормы падаткаабкладання так званых звышдаходаў па стаўцы 25 працэнтаў. Гэта сукупнасць даходаў, якія атрымалі грамадзяне ад крыніц у Беларусі на трох падставах: па працоўным дагаворы, у выглядзе дывідэндаў і па грамадзянска-прававым дагаворы, прадметам якога з'яўляецца выкананне работ, аказанне паслуг, стварэнне аб'ектаў інтэлектуальнай уласнасці. Словам, аналізуюцца толькі тры віды даходаў. Іх агульная сума павінна за год перавысіць Br200 тыс.
Згодна з п.1 арт.817 Грамадзянскага кодэкса страхаванне ажыццяўляецца ў добраахвотным парадку на падставе дагавораў. Па дагаворы асабістага страхавання страхоўшчык абавязуецца за абумоўлены дагаворам страхавы ўзнос (страхавую прэмію) выплачваць адзнаразова або перыядычна страхавое забеспячэнне ў межах абумоўленай дагаворам сумы ў выпадку прычынення шкоды жыццю або здароўю самога страхавальніка ці іншай застрахаванай асобы або дасягнення імі пэўнага ўзросту ці надыходу ў іх жыцці іншай прадугледжанай дагаворам падзеі (страхавога выпадку).
Такім чынам, прадметам дагавора асабістага страхавання з'яўляецца не выкананне работ, аказанне паслуг, стварэнне аб'ектаў інтэлектуальнай уласнасці, а страхавая абарона маёмасных інтарэсаў.
У сувязі з гэтым стаўка падаходнага падатку ў памеры 25 працэнтаў не распаўсюджваецца на налічаныя фізічнай асобе на працягу 2024 года беларускай страхавой арганізацыяй даходы ў выглядзе страхавой кампенсацыі і (або) страхавога забеспячэння ў сувязі з надыходам адпаведных страхавых выпадкаў па дагаворах добраахвотнага страхавання жыцця і добраахвотнага страхавання дадатковай пенсіі, незалежна ад тэрміну, на які такія дагаворы заключаліся, і таго, кім (падатковым агентам, фізічнай асобай, якая заключыла дагавор, іншай асобай) ажыццяўлялася выплата ўзносаў па гэтых дагаворах.
Таксама стаўка 25 працэнтаў не распаўсюджваецца на страхавыя ўзносы, выплачаныя фізічнай асобай па дагаворы добраахвотнага страхавання і вернутыя яму ў сувязі з датэрміновым скасаваннем такога дагавора.
Адносна даходаў, якія атрымліваюцца работнікамі ад наймальнікаў у выглядзе аплаты страхавых паслуг, згодна з арт.7 Працоўнага кодэкса крыніцамі прававога рэгулявання працоўных і звязаных з імі адносін у арганізацыі з'яўляюцца акты заканадаўства аб працы, калектыўныя дагаворы, пагадненні і іншыя лакальныя прававыя акты, заключаныя і прынятыя ў адпаведнасці з заканадаўствам, працоўныя дагаворы. Такім чынам, пры наяўнасці працоўных адносін паміж арганізацыяй-наймальнікам і фізічнай асобай - работнікам даходы, якія налічваюцца такому работніку як у адпаведнасці з працоўным дагаворам, так і з прынятым ва ўстаноўленым парадку лакальным прававым актам (калектыўным дагаворам, пагадненнем), адносяцца да даходаў у рамках працоўных адносін.
Адпаведна, даходы ў выглядзе аплаты наймальнікам на карысць работнікаў страхавых паслуг страхавых арганізацый Беларусі па дагаворах добраахвотнага страхавання адносяцца да даходаў, налічаных у рамках працоўных адносін, і падлягаюць уключэнню ў сукупнасць даходаў, якія абкладаюцца па стаўцы 25 працэнтаў.-0-
Падпісвайцеся на нас у
