Сцяг Пятніца, 29 сакавіка 2024
Усе навіны
Усе навіны
Эканоміка
14 сакавіка 2022, 10:16

Ці чакаць росту цэн і што будзе з імпартам: "Белдзяржхарчпрам" аб сітуацыі ў магазінах

14 сакавіка, Мінск /Кар. БЕЛТА/. Ці чакаць росту цэн і што будзе з імпартам. Аб гэтым у эфіры тэлеканала СТБ расказаў старшыня канцэрна "Белдзяржхарчпрам" Алег Жыдкоў, перадае карэспандэнт БЕЛТА.

"Пазіцый, якімі займаецца "Белдзяржхарчпрам", больш за 7,5 тыс., пачынаючы ад кандытарскіх вырабаў і заканчваючы кансервавымі вырабамі, вытворчасцю дзіцячага харчавання. Нешта, магчыма, і не зможам замясціць па асобных пазіцыях, але максімальна адчувальныя для спажыўцоў пазіцыі - цукар, соль, асобныя віды кансервавых вырабаў, піваварная галіна, вытворчасць ячменю, - усё ў Беларусі можам рабіць. Акрамя таго, цяпер у інтэрнэце з'яўляюцца фэйкі, што нашы прадпрыемствы стратэгічнага значэння выходзяць са строю і па гэтай прычыне не могуць задаволіць унутраны попыт. Гэта робіцца, каб падагрэць попыт і ажыятаж. Хачу ўсіх супакоіць, работа прадпрыемстваў знаходзіцца на кантролі. Усе яны працуюць у штатным рэжыме. Аб'ём вытворчасці выпускаецца ў максімальнай колькасці, якая можа быць. Пастаўка на ўнутраны рынак ажыццяўляецца рэгулярна", - сказаў Алег Жыдкоў.

Па выніках работы двух з паловай месяцаў рэзкага росту цэн на прадукты харчавання ў частцы канцэрна "Белдзяржхарчпрам" і іншых сумежных ведамстваў не адбылося. "Ёсць нейкія змяненні ў бок павелічэння, але гэта не больш за 3-6 працэнтаў да ўзроўню цэн, якія былі ўстаноўлены на 1 студзеня 2022 года. Яны павялічваюцца зыходзячы з аб'ектыўнасці падаражэння працэсаў, якія адбываюцца на прадпрыемствах, а таксама са спадарожнымі момантамі, якія звязаны з неабходнасцю захавання тых запасаў, якія напрацаваны і павінны быць забяспечаны для пастаўкі на ўнутраны рынак", - падкрэсліў старшыня канцэрна.

Ён адзначыў, што цэны на цукровую прадукцыю выраслі на 6 працэнтаў па стане на 1 студзеня 2022 года. "Рост абумоўлены выраўноўваннем дысбалансу цэн, які склаўся ў Беларусі і на рынках суседніх дзяржаў. У пачатку года мы бачылі ажыятажны ўзровень попыту на цукар. У нейкай ступені ён быў і спекуляцыйны, выкліканы тым, што змяненні цэн на знешніх рынках у большы бок прывялі да масавага вывазу цукру за межы краіны. Для таго каб стрымаць гэты паток, было прынята рашэнне нязначна павялічыць цану для ўнутранага рынку і ўвесці ліцэнзаванне на вываз цукру на экспарт. Гэта дало магчымасць узяць пад кантроль вываз цукру за межы Беларусі, нармалізаваць сітуацыю на ўнутраным рынку ў частцы попыту", - дадаў ён.

"Па ўсіх крытэрыях замяніць на 100 працэнтаў сланечнікавы можа рапсавы алей. Па сваіх якасцях ён не ўступае. Зразумела, што мы прывыклі і спажыўцу бывае складана пераарыентавацца на нешта новае. Аднак сёння тэхналогіі маслаперапрацоўчых прадпрыемстваў, якія займаюцца вытворчасцю і разлівам, паказваюць даволі нядрэнныя якасныя паказчыкі. На сённяшні дзень высокі попыт застаецца на рапсавы алей з боку еўрапейскіх краін, якія гатовы па перадаплаце выкупіць практычна ўвесь аб'ём існуючага рапсавага алею ў Беларусі", - рэзюмаваў Алег Жыдкоў.-0-

Падпісвайцеся на нас у
Twitter
Топ-навіны
Свежыя навіны Беларусі