17 студзеня, Мінск /Кар. БЕЛТА/. Транспартныя арганізацыі і індывідуальныя прадпрымальнікі ў 2021 годзе перавезлі 384,9 млн т грузаў, або 96,5 працэнта да ўзроўню 2020 года, паведамілі БЕЛТА ў Нацыянальным статыстычным камітэце.
Грузаабарот у 2021 годзе склаў 118,8 млрд тона-кіламетраў, або 96,4 працэнта ў адносінах да папярэдняга года.
Пасажыраабарот склаў 20 217,8 млн пасажыра-кіламетраў, або 112,1 працэнта да 2020 года. Паслугамі пасажырскага транспарту скарысталіся 1547,3 млн чалавек, або 96,5 працэнта да ўзроўню 2020 года.-0-