Тэрміновыя рублёвыя дэпазіты фізічных асоб у чэрвені павялічыліся на Br298,3 млн

15 ліпеня, Мінск /Кар. БЕЛТА/. Узровень працэнтных ставак, які склаўся ў чэрвені на дэпазітным і крэдытным рынках Беларусі, садзейнічаў прытоку зберажэнняў у банкаўскую сферу і захаванню крэдытнай актыўнасці ў эканоміцы. Аб гэтым сведчаць даныя, апублікаваныя на сайце Нацыянальнага банка, паведамляе БЕЛТА.

Сярэдняя працэнтная стаўка па новых тэрміновых укладах фізічных асоб у беларускіх рублях у чэрвені 2025 года склала 12,2 працэнта гадавых.

Найбольш высокі ўзровень ставак па-ранейшаму захоўваўся па доўгатэрміновых укладах у беларускіх рублях. Сярэдняя працэнтная стаўка па новых рублёвых банкаўскіх укладах фізічных асоб на тэрмін звыш аднаго года ў чэрвені 2025 года склала 14,2 працэнта гадавых.

Як вынік, за чэрвень тэрміновыя рублёвыя дэпазіты фізічных асоб павялічыліся на Br298,3 млн, або на 2,4 працэнта, склаўшы на 1 ліпеня 2025 года Br12,7 млрд.

Такая дынаміка ўкладаў добра паўплывала на рэсурсны патэнцыял банкаў і садзейнічала пашырэнню магчымасці задавальняць плацежаздольны попыт на крэдыты.

Сярэдняя працэнтная стаўка ў чэрвені 2025 года па новых рублёвых крэдытах (без уліку льготных), прадастаўленых банкамі юрыдычным асобам, склала 12,3 працэнта гадавых, фізічным асобам - 11,1 працэнта гадавых.-0-