Фота з архіва
5 чэрвеня, Мінск /Кар. БЕЛТА/. Беларуская ўніверсальная таварная біржа і Мангольская таварная біржа (Mongolian Commodity Exchange, MCE) заключылі мемарандум аб супрацоўніцтве, паведамілі БЕЛТА ў прэс-службе БУТБ.
Урачыстая цырымонія падпісання дакумента адбылася ў цэнтральным офісе БУТБ ў рамках візіту дэлегацыі МСЕ ў Мінск. Свае подпісы на мемарандуме паставілі старшыня праўлення БУТБ Аляксандр Асмалоўскі і выканаўчы дырэктар МСЕ Цэнд Батсайхан, такім чынам афіцыйна замацаваўшы дасягнутыя дамоўленасці.
Згодна з мемарандумам, у якасці ключавых напрамкаў узаемадзеяння БУТБ і МСЕ вызначаны абмен вопытам, інфармацыяй і тэхналогіямі, садзейнічанне ва ўстанаўленні прамых кантактаў паміж суб'ектамі гаспадарання дзвюх краін, правядзенне бізнес-мерапрыемстваў, стварэнне спрыяльных умоў удзелу ў біржавых таргах для беларускіх і мангольскіх кампаній, а таксама рэалізацыя сумесных праектаў, накіраваных на ўмацаванне гандлёва-эканамічных адносін Беларусі і Манголіі.
Паводле слоў старшыні праўлення БУТБ Аляксандра Асмалоўскага, пры ўсіх сваіх адрозненнях беларуская і мангольская біржы ў многім падобныя, паколькі вырашаюць адны і тыя ж задачы, важныя для дзяржавы і эканомікі: забяспечваюць рыначнае цэнаўтварэнне на сыравінныя і несыравінныя тавары, стымулююць дзелавую актыўнасць, павышаюць эфектыўнасць закупак, садзейнічаюць росту экспарту.
"Хачу падкрэсліць, што ў нас з вамі няма закрытых тэм. Мы гатовы супрацоўнічаць па любых напрамках - ад кансультацый і навучання спецыялістаў да трансферу тэхналогій і адаптацыі нашых праграмных прадуктаў пад вашы мэты з улікам спецыфікі мангольскага рынку. Падпісаўшы мемарандум, мы зрабілі першы крок - пацвердзілі агульнасць нашых інтарэсаў і жаданне працаваць разам. Цяпер трэба рухацца далей і пераводзіць нашы дамоўленасці ў практычную плоскасць", - лічыць кіраўнік БУТБ.
Пры гэтым Аляксандр Асмалоўскі таксама прапанаваў мангольскім калегам пасупрацоўнічаць у шматбаковым фармаце ў рамках Міжнароднай асацыяцыі біржаў (МАБ), членам якой з'яўляецца БУТБ. Гэта дало б магчымасць МСЕ падтрымліваць цесны кантакт з вядучымі біржавымі пляцоўкамі Еўразійскага рэгіёна і прымаць актыўны ўдзел у кааперацыйных праектах, што рэалізуюцца пад эгідай МАБ.
Па выніках візіту дэлегацыі МСЕ на БУТБ плануецца распрацаваць дарожную карту супрацоўніцтва з пералікам канкрэтных мерапрыемстваў, якая стане асновай для далейшага ўзаемадзеяння таварных біржаў Беларусі і Манголіі.-0-
Урачыстая цырымонія падпісання дакумента адбылася ў цэнтральным офісе БУТБ ў рамках візіту дэлегацыі МСЕ ў Мінск. Свае подпісы на мемарандуме паставілі старшыня праўлення БУТБ Аляксандр Асмалоўскі і выканаўчы дырэктар МСЕ Цэнд Батсайхан, такім чынам афіцыйна замацаваўшы дасягнутыя дамоўленасці.
Згодна з мемарандумам, у якасці ключавых напрамкаў узаемадзеяння БУТБ і МСЕ вызначаны абмен вопытам, інфармацыяй і тэхналогіямі, садзейнічанне ва ўстанаўленні прамых кантактаў паміж суб'ектамі гаспадарання дзвюх краін, правядзенне бізнес-мерапрыемстваў, стварэнне спрыяльных умоў удзелу ў біржавых таргах для беларускіх і мангольскіх кампаній, а таксама рэалізацыя сумесных праектаў, накіраваных на ўмацаванне гандлёва-эканамічных адносін Беларусі і Манголіі.
Паводле слоў старшыні праўлення БУТБ Аляксандра Асмалоўскага, пры ўсіх сваіх адрозненнях беларуская і мангольская біржы ў многім падобныя, паколькі вырашаюць адны і тыя ж задачы, важныя для дзяржавы і эканомікі: забяспечваюць рыначнае цэнаўтварэнне на сыравінныя і несыравінныя тавары, стымулююць дзелавую актыўнасць, павышаюць эфектыўнасць закупак, садзейнічаюць росту экспарту.
"Хачу падкрэсліць, што ў нас з вамі няма закрытых тэм. Мы гатовы супрацоўнічаць па любых напрамках - ад кансультацый і навучання спецыялістаў да трансферу тэхналогій і адаптацыі нашых праграмных прадуктаў пад вашы мэты з улікам спецыфікі мангольскага рынку. Падпісаўшы мемарандум, мы зрабілі першы крок - пацвердзілі агульнасць нашых інтарэсаў і жаданне працаваць разам. Цяпер трэба рухацца далей і пераводзіць нашы дамоўленасці ў практычную плоскасць", - лічыць кіраўнік БУТБ.
Пры гэтым Аляксандр Асмалоўскі таксама прапанаваў мангольскім калегам пасупрацоўнічаць у шматбаковым фармаце ў рамках Міжнароднай асацыяцыі біржаў (МАБ), членам якой з'яўляецца БУТБ. Гэта дало б магчымасць МСЕ падтрымліваць цесны кантакт з вядучымі біржавымі пляцоўкамі Еўразійскага рэгіёна і прымаць актыўны ўдзел у кааперацыйных праектах, што рэалізуюцца пад эгідай МАБ.
Па выніках візіту дэлегацыі МСЕ на БУТБ плануецца распрацаваць дарожную карту супрацоўніцтва з пералікам канкрэтных мерапрыемстваў, якая стане асновай для далейшага ўзаемадзеяння таварных біржаў Беларусі і Манголіі.-0-
Падпісвайцеся на нас у
