ДЗЯРЖОРГАНЫДЗЯРЖОРГАНЫ
Субота, 31 кастрычніка 2020
Мінск Суцэльная воблачнасць +8°C
Усе навіны
Усе навіны
Эканоміка
28 лістапада 2019, 16:11

Сусветны банк плануе прадаставіць Беларусі для мадэрнізацыі ўніверсітэтаў каля $100 млн

28 лістапада, Мінск /Кар. БЕЛТА/. Сусветны банк плануе прадаставіць Беларусі каля $100 млн для мадэрнізацыі ўніверсітэтаў, паведаміў сёння журналістам кіраўнік прадстаўніцтва СБ у Беларусі Алекс Крэмер, перадае карэспандэнт БЕЛТА.

"Мы спадзяёмся, што праект будзе прадстаўлены нашаму савету ў наступным годзе - вясной-летам. Праект будзе прадугледжваць выдзяленне каля $100 млн на мэты мадэрнізацыі ўніверсітэтаў з асобым акцэнтам на навуку, інжынерныя дысцыпліны, фізіку і хімію", - адзначыў Алекс Крэмер.

Паводле яго слоў, праект таксама акажа падтрымку Беларусі ў частцы распрацоўкі навучальных праграм, якія будуць у максімальнай ступені адпавядаць патрабаванням і стандартам Балонскай сістэмы, і дапаможа стварыць незалежную і адпаведную прынцыпам Балонскага працэсу сістэму забеспячэння якасці навучання ў ВНУ.

Рэалізоўваць праект будзе Міністэрства адукацыі Беларусі, удакладніў Алекс Крэмер.

З таго часу як Беларусь стала членам Сусветнага банка ў 1992 годзе, СБ прадаставіў краіне крэдытныя рэсурсы на суму $1,9 млрд. Акрамя таго, на рэалізацыю розных праграм было прадастаўлена грантавае фінансаванне ў аб'ёме $31 млн. На гэты момант інвестыцыйны партфель Сусветнага банка ў Беларусі ўключае 9 праектаў на агульную суму $942,7 млн.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі