2 снежня, Мінск /Кар. БЕЛТА/. У пасольстве Беларусі ў Каракасе прайшлі сустрэчы з венесуэльскімі бізнес-коламі. Аб гэтым расказалі карэспандэнту БЕЛТА ў беларускай замежнай установе ў Венесуэле.
"У рамках пашырэння супрацоўніцтва з бізнес-коламі краіны акрэдытацыі 1 снежня ў пасольстве Беларусі ў Венесуэле адбылася серыя сустрэч з кіраўніцтвам венесуэльскіх кампаній Vox Analyzer Industrial, Iskro Electric Industrial, Servilogin, - праінфармавалі ў дыпмісіі. - У перагаворах прынялі ўдзел Надзвычайны і Паўнамоцны Пасол Беларусі ў Венесуэле Андрэй Молчан, старшыня сходу акцыянераў ЗАТ "Белзамежбуд" Віталь Бандарык, а таксама супрацоўнікі замежнай установы, якія адказваюць за гандлёва-эканамічнае супрацоўніцтва".
Бакі абмеркавалі магчымасці наладжвання дзелавых кантактаў і перспектывы ўзаемавыгаднага супрацоўніцтва.-0-