ДЗЯРЖОРГАНЫДЗЯРЖОРГАНЫ
Флаг Панядзелак, 21 чэрвеня 2021
Мінск Воблачна з праясненнямі +24°C
Усе навіны
Усе навіны
Эканоміка
29 красавіка 2021, 14:59

Субоцін аб росце экспарту прадуктаў харчавання: усё вельмі няпроста, але мы ідзём угору

Аляксандр Субоцін. Фота з архіва
Аляксандр Субоцін. Фота з архіва

29 красавіка, Мінск /Кар. БЕЛТА/. Беларусь будзе нарошчваць экспартныя пастаўкі прадуктаў харчавання, захоўваючы традыцыйныя рынкі збыту і развіваючы новыя напрамкі. Аб гэтым заявіў журналістам намеснік прэм'ер-міністра Аляксандр Субоцін па выніках нарады ў кіраўніка дзяржавы аб сітуацыі ў сферы АПК, на якой абмяркоўваліся бягучы стан спраў, праблемныя пытанні і шляхі іх вырашэння, перадае карэспандэнт БЕЛТА.

Віцэ-прэм'ер канстатаваў значныя дасягненні ў развіцці аграпрамысловага сектара, у тым ліку самастойнае забеспячэнне краінай поўнай харчовай бяспекі. "Цяпер на першы план выходзіць задача прадаваць, і прадаваць больш, у большую колькасць краін. Гэта асноўная задача", - падкрэсліў Аляксандр Субоцін.

Сітуацыя па экспартных пастаўках, паводле яго слоў, жывая і зменлівая. "Калі адны дзверы закрываюцца, то недзе дзвое-трое дзвярэй адразу адкрываюцца. Я ўпэўнены, і гэта паказваюць усе аналітычныя даследаванні, што прадукты харчавання не страцяць сваёй актуальнасці. У свеце пачынае ўжо адчувацца дэфіцыт харчовых тавараў і цэны пачынаюць упэўнена паўзці ўверх на ўсе прадукты харчавання. Таму мы як адны з асноўных вытворцаў і пастаўшчыкоў прадуктаў харчавання ў свеце, як бы гэта гучна ні было сказана, разумеем сваё месца і будзем трымацца за сваё месца пад сонцам, - сказаў віцэ-прэм'ер. - Усё вельмі няпроста, вельмі складана і карпатліва, але мы няхай і паволі, але ідзём угору".

Экспарт сельскагаспадарчай прадукцыі і прадуктаў харчавання за 2020 год склаў $5,8 млрд і вырас на 4,3 працэнта ў параўнанні з 2019-м. Прырост валютнай выручкі - $240 млн. Айчынная прадукцыя пастаўлялася ў 116 краін свету (у 2019-м - у 104). Паводле даных за першы квартал бягучага года, валютная выручка на $72 млн большая, чым за аналагічны перыяд мінулага года.

Далейшыя дзеянні па нарошчванні экспарту абмяркоўваліся ў ліку іншых тэм сёння на нарадзе ў кіраўніка дзяржавы. Як лічыць Аляксандр Субоцін, правядзенне такіх мерапрыемстваў на самым высокім узроўні і з удзелам губернатараў сталі не толькі добрай традыцыяй, але і вымушанай неабходнасцю, паколькі галіна АПК стала вельмі высокатэхналагічнай, яна ўключае ў сябе мноства розных напрамкаў, паміж якімі трэба наладзіць узаемадзеянне, намеціць шляхі развіцця, вызначыць далейшую стратэгію. Карысным і эфектыўным віцэ-прэм'ер лічыць прысутнасць на нарадзе ўсіх губернатараў, што, паводле яго слоў, дало магчымасць "развязаць шэраг складаных вузлоў" па рабоце АПК.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі