20 кастрычніка, Мінск /Кар. БЕЛТА/. Праект стратэгіі развіцця Еўразійскага эканамічнага саюза (ЕАЭС) будзе вынесены на разгляд прэзідэнтаў, заявіў прэм'ер-міністр РФ Міхаіл Мішусцін на пасяджэнні дыскусійнага клуба "Валдай". Аб гэтым паведамляе ТАСС.
"ЕАЭС дапамог краінам усвядоміць стратэгіі развіцця, аб'яднаць іх у стратэгію развіцця ЕАЭС. Праект гэтай стратэгіі ў нас гатовы, мы яго горача абмяркоўвалі некалькі месяцаў, будзем выносіць яго на вышэйшы савет, каб прэзідэнты адобрылі", - сказаў старшыня ўрада.
На думку кіраўніка Кабінета міністраў РФ, пандэмія каранавіруса з'яднала краіны саюза. Мішусцін нагадаў, што галоўнымі ў ЕАЭС з'яўляюцца чатыры свабоды - перамяшчэння тавараў, паслуг, капіталу і рабочай сілы. "Лічбавая платформа ЕАЭС - над ёй працуе Еўразійскі банк развіцця - павінна даць такую свабоду", - падкрэсліў прэм'ер-міністр РФ. У якасці прыкладу ён прывёў распрацоўку мабільнага дадатку для свабоднага перамяшчэння рабочай сілы, каб любы жыхар саюза мог свабодна працаўладкавацца.
Паводле ацэнкі прэм'ер-міністра РФ, удзельнікі ЕАЭС выйграюць ад кааперацыі. "У Кыргызстана, Арменіі быў значны рост ВУП пасля ўступлення ў ЕАЭС", - адзначыў Міхаіл Мішусцін.
У Еўразійскі эканамічны саюз уваходзяць Расія, Арменія, Беларусь, Казахстан і Кыргызстан.-0-