Фота з архіва
6 сакавіка, Мінск /Кар. БЕЛТА/. Міністр эканомікі Юрый Чабатар на пашыраным пасяджэнні калегіі Мінэканомікі расказаў аб прыярытэтах у рабоце на 2025 год, паведамляе карэспандэнт БЕЛТА.
На пасяджэнні вызначаны прыярытэтныя напрамкі сумеснай работы дзяржорганаў, мясцовай улады, навуковай і бізнес-супольнасці, накіраванай на ўстойлівае эканамічнае развіццё Беларусі ў 2025 годзе і ў сярэднетэрміновай перспектыве.
У першую чаргу гэта стратэгічнае планаванне. "Ключавы дакумент - НСУР-2040 - ужо адобраны ўрадам. Рэгулятарамі завяршаецца распрацоўка галіновых стратэгій на бліжэйшыя 10 гадоў. На іх у сваю чаргу павінна быць заснавана канцэпцыя праграмы будучай пяцігодкі. Ужо вызначаны 10 нацыянальных прыярытэтаў, якія ў далейшым будуць вертыкалізаваны ў канкрэтныя дзяржпраграмы. За кожны прыярытэт і праграму назначым адказнага выканаўцу - персаналізуем адказнасць", - растлумачыў Юрый Чабатар.
Другі важнейшы напрамак - інвестыцыйная палітыка. "Тут асноўная задача рэгіёнаў і дзяржорганаў - знайсці прарыўныя праекты. Для іх рэалізацыі будзем удасканальваць інстытуцыянальныя ўмовы і прапаноўваць даступнае фінансаванне. У прыярытэце - грынфілд-праекты і высокатэхналагічныя вытворчасці, здольныя даць магутны эфект для эканомікі", - адзначыў кіраўнік міністэрства.
Трэці напрамак работы - стымуляванне прадпрымальніцкай ініцыятывы і нарошчванне ўкладу малога і сярэдняга бізнесу ў эканоміку. "Ключавая задача - дэбюракратызацыя, спрашчэнне рэгулятарных патрабаванняў, скарачэнне празмернай адміністрацыйнай нагрузкі і максімальны перавод у лічбу ўзаемадзеяння па лініі "дзяржорганы - бізнес", - падкрэсліў міністр эканомікі.
У сваім выступленні Юрый Чабатар таксама агучыў канкрэтныя задачы ў частцы работы над праграмай сацыяльна-эканамічнага развіцця да 2030 года і праграмай дзейнасці ўрада, выпрацоўкі сістэмных мер падтрымкі эканомікі, дыверсіфікацыі экспарту і ўмацавання інвестыцыйнага супрацоўніцтва з дружалюбнымі дзяржавамі, далейшага развіцця эканамічнай інтэграцыі ў рамках ЕАЭС.
На пашыраным пасяджэнні ў Мінэканомікі пад старшынствам міністра эканомікі былі разгледжаны вынікі работы міністэрства ў 2024 годзе. Удзел у мерапрыемстве прынялі кіраўнікі рэспубліканскіх органаў дзяржкіравання і іх намеснікі, намеснікі старшынь аблвыканкамаў і Мінгарвыканкама, сенатары і дэпутаты, кіраўнікі адміністрацый свабодных эканамічных зон і індустрыяльнага парка "Вялікі камень", кіраўнікі буйных бізнес-саюзаў і асацыяцый.-0-
На пасяджэнні вызначаны прыярытэтныя напрамкі сумеснай работы дзяржорганаў, мясцовай улады, навуковай і бізнес-супольнасці, накіраванай на ўстойлівае эканамічнае развіццё Беларусі ў 2025 годзе і ў сярэднетэрміновай перспектыве.
У першую чаргу гэта стратэгічнае планаванне. "Ключавы дакумент - НСУР-2040 - ужо адобраны ўрадам. Рэгулятарамі завяршаецца распрацоўка галіновых стратэгій на бліжэйшыя 10 гадоў. На іх у сваю чаргу павінна быць заснавана канцэпцыя праграмы будучай пяцігодкі. Ужо вызначаны 10 нацыянальных прыярытэтаў, якія ў далейшым будуць вертыкалізаваны ў канкрэтныя дзяржпраграмы. За кожны прыярытэт і праграму назначым адказнага выканаўцу - персаналізуем адказнасць", - растлумачыў Юрый Чабатар.
Другі важнейшы напрамак - інвестыцыйная палітыка. "Тут асноўная задача рэгіёнаў і дзяржорганаў - знайсці прарыўныя праекты. Для іх рэалізацыі будзем удасканальваць інстытуцыянальныя ўмовы і прапаноўваць даступнае фінансаванне. У прыярытэце - грынфілд-праекты і высокатэхналагічныя вытворчасці, здольныя даць магутны эфект для эканомікі", - адзначыў кіраўнік міністэрства.
Трэці напрамак работы - стымуляванне прадпрымальніцкай ініцыятывы і нарошчванне ўкладу малога і сярэдняга бізнесу ў эканоміку. "Ключавая задача - дэбюракратызацыя, спрашчэнне рэгулятарных патрабаванняў, скарачэнне празмернай адміністрацыйнай нагрузкі і максімальны перавод у лічбу ўзаемадзеяння па лініі "дзяржорганы - бізнес", - падкрэсліў міністр эканомікі.
У сваім выступленні Юрый Чабатар таксама агучыў канкрэтныя задачы ў частцы работы над праграмай сацыяльна-эканамічнага развіцця да 2030 года і праграмай дзейнасці ўрада, выпрацоўкі сістэмных мер падтрымкі эканомікі, дыверсіфікацыі экспарту і ўмацавання інвестыцыйнага супрацоўніцтва з дружалюбнымі дзяржавамі, далейшага развіцця эканамічнай інтэграцыі ў рамках ЕАЭС.
На пашыраным пасяджэнні ў Мінэканомікі пад старшынствам міністра эканомікі былі разгледжаны вынікі работы міністэрства ў 2024 годзе. Удзел у мерапрыемстве прынялі кіраўнікі рэспубліканскіх органаў дзяржкіравання і іх намеснікі, намеснікі старшынь аблвыканкамаў і Мінгарвыканкама, сенатары і дэпутаты, кіраўнікі адміністрацый свабодных эканамічных зон і індустрыяльнага парка "Вялікі камень", кіраўнікі буйных бізнес-саюзаў і асацыяцый.-0-
Падпісвайцеся на нас у
