22 мая, Мінск /Кар. БЕЛТА/. У Нацыянальным банку Беларусі заявілі, што з 31 мая стаўка рэфінансавання зніжаецца з 10 працэнтаў да 9,75 працэнта гадавых, паведамляе БЕЛТА.
У гэты ж час памер стаўкі па крэдыце авернайт зніжаецца да 10,75 працэнта гадавых, а стаўкі па дэпазіце авернайт - да 8,75 працэнта. Такое рашэнне прынята праўленнем Нацбанка сёння на пасяджэнні па грашова-крэдытнай палітыцы.
Паведамляецца, што нізкія месячныя тэмпы прыросту спажывецкіх цэн абумоўліваюць захаванне трэнду на запаволенне гадавой інфляцыі. У бліжэйшы час чакаецца, што нізкія месячныя тэмпы прыросту спажывецкіх цэн захаваюцца, а паказчык гадавой інфляцыі будзе знаходзіцца ніжэй за 5 працэнтаў.
Будучыя рашэнні па стаўцы рэфінансавання Нацбанк будзе прымаць з улікам фактычнай і чаканай дынамікі інфляцыі, а таксама ацэньваючы рызыкі з боку ўнутраных і знешніх умоў і рэакцыі на іх фінансавых рынкаў.-0-
