Мабільная версія
ДЗЯРЖОРГАНЫ

Апошнія навіны
Усе навіны

Статус краіны з рыначнай эканомікай дасць Беларусі гандлёвыя і іміджавыя выгады - Мінэканомікі

Эканоміка 14.10.2019 | 15:08

14 кастрычніка, Мінск /Кар. БЕЛТА/. Статус краіны з рыначнай эканомікай дасць Беларусі гандлёвыя і іміджавыя выгады, паведамілі карэспандэнту БЕЛТА ў прэс-службе Міністэрства эканомікі, каменціруючы пастанову Саўміна ад 9 кастрычніка 2019 года нумар 690.

Пастановай Саўміна нумар 690 Мінэканомікі даручана ажыццявіць дзяржзакупку юрыдычных паслуг па суправаджэнні працэсу пераводу Беларусі ў статус краіны з рыначнай эканомікай. Гэтыя паслугі акажа амерыканская кампанія Crowell&Moring.

У прэс-службе нагадалі, што статус краіны з нярыначнай эканомікай быў аўтаматычна атрыманы Беларуссю пасля распаду СССР. Такі статус дазваляе ўраду ЗША для абароны амерыканскіх прадпрыемстваў прымяняць абмежавальныя мытна-тарыфныя меры да асобных відаў беларускай прадукцыі, якія робяць яе экспарт эканамічна немэтазгодным.

Раней быў паспяхова перагледжаны статус эканомік Расіі, Казахстана, Украіны, Польшчы, Літвы, Латвіі, Эстоніі, Чэхіі, Славакіі, Венгрыі, Румыніі.

"У выніку развіцця беларуска-амерыканскіх адносін і ўмацавання дзелавых сувязей узнікла неабходнасць у пераглядзе такога падыходу, каб беларускія кампаніі-экспарцёры і амерыканскія інвестары ў нашай краіне маглі карыстацца недыскрымінацыйным рэжымам у гандлі, - растлумачылі ў Мінэканомікі. - Рэспубліка Беларусь зыходзіць з разумення, што беларуская эканамічная палітыка ўжо на працягу многіх гадоў адпавядае рыначным прынцыпам, таму перагляд Мінгандлем ЗША статусу нашай эканомікі дасць магчымасць фармальна пацвердзіць тое, што існуе дэ-факта".

Акрамя відавочных эканамічных выгад перагляд статусу будзе мець значныя іміджавыя вынікі для Беларусі ў сістэме міжнароднага гандлю і садзейнічаць фарміраванню збалансаваных абавязацельстваў Беларусі пры далучэнні да СГА.

Вырашэнне гэтага пытання магчыма праз працэдуру перагляду Міністэрствам гандлю ЗША статусу эканомікі Беларусі. Яна праводзіцца з выкарыстаннем паслуг міжнародных юрыдычных кампаній і доўжыцца арыенціровачна да 1 года.

"На гэтым тыдні на палях штогадовых пасяджэнняў Савета кіраўнікоў групы СБ і МВФ у Вашынгтоне плануецца падпісаць дагавор паміж Міністэрствам эканомікі Беларусі і кампаніяй Crowell&Moring, якая мае станоўчы вопыт у юрыдычным суправаджэнні такіх працэдур", - адзначылі ў Мінэканомікі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.