7 чэрвеня, Мінск /Кар. БЕЛТА/. Стартапы змогуць скарыстацца льготнымі ўмовамі вядзення бізнесу ў Кітайска-беларускім індустрыяльным парку "Вялікі камень". Аб гэтым расказаў журналістам кіраўнік адміністрацыі парка Аляксандр Ярашэнка, перадае карэспандэнт БЕЛТА.
У канцы 2020 года ў "Вялікім камені" адкрыўся цэнтр трансфармацыі навукова-тэхнічных дасягненняў. На працягу першых двух гадоў розныя стартапы змогуць скарыстацца ўсімі асноўнымі льготамі рэзідэнтаў парка, пры гэтым самі яны не будуць з'яўляцца рэзідэнтамі "Вялікага каменя". Гэту магчымасць збіраюцца замацаваць у новым указе кіраўніка дзяржавы, які будзе накіраваны на паляпшэнне інвестыцыйнага клімату ў індустрыяльным парку.
"На конкурснай аснове, адабраўшы адпаведны праект, мы праз 6 месяцаў пасля праходжання інкубавання будзем глядзець на яго прамежкавыя рэзультаты. Калі яны станоўчыя, то мы гэтаму праекту даём вырасці з ідэі ў камерцыйны праект і магчымасць стаць рэзідэнтам парка", - расказаў Аляксандр Ярашэнка.
Паводле яго слоў, калі стартапам не аказваецца падтрымка, то, як правіла, выжывае толькі адзін з дзесяці праектаў. Калі ж дзяржава і інвестары дапамагаюць маладым кампаніям, то ўзровень выжывальнасці дасягае 70-80 працэнтаў.-0-
