12 верасня, Мінск /Кар. БЕЛТА/. Сродкі інавацыйных фондаў могуць накіроўвацца на фінансаванне імпартазамяшчальных інвестыцыйных праектаў. Гэта прадугледжана пастановай урада ад 8 верасня 2022 года нумар 590, што афіцыйна апублікавана на Нацыянальным прававым інтэрнэт-партале, паведамляе БЕЛТА.
Згодна з дакументам, у 2022 годзе сродкі рэспубліканскага цэнтралізаванага інавацыйнага фонду і мясцовых інавацыйных фондаў могуць накіроўвацца на фінансаванне праектаў, уключаных у пералік перспектыўных імпартазамяшчальных інвестпраектаў, што зацвярджаецца прэм'ер-міністрам.-0-