ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +19°C
Усе навіны
Усе навіны
Эканоміка
25 мая 2022, 11:09

Снапкоў: задача ўрада - захаваць усе сацстандарты, нягледзячы на санкцыі

Фота з архіва
Фота з архіва

25 мая, Мінск /Кар. БЕЛТА/. Задача ўрада - захаваць усе сацыяльныя стандарты, нягледзячы на санкцыі. Аб гэтым заявіў першы намеснік прэм'ер-міністра Мікалай Снапкоў на сумесным пасяджэнні Палаты прадстаўнікоў і Савета Рэспублікі, перадае карэспандэнт БЕЛТА.

"Па даручэнні Прэзідэнта асноўная задача ўрада - захаваць і забяспечыць усе сацыяльныя стандарты развіцця нашай дзяржавы і сацыяльныя праекты, якія вызначаюць узровень дабрабыту і камфортнасць жыцця насельніцтва. Нягледзячы на тое, што новыя санкцыі, якія прыменены да нашай краіны, маюць беспрэцэдэнтны маштаб, па вялікім рахунку ўдушлівы характар. Канчатковая задума Захаду - нанесці ўдар па ўзроўні жыцця нашых людзей, выклікаць іх незадавальненне, сацыяльную напружанасць праз аслабленне патэнцыялу ключавых галін і сфер эканомікі", - сказаў Мікалай Снапкоў.

Паводле яго слоў, першай на сябе яшчэ ў мінулым годзе прыняла ўдар авіяцыйная галіна, далей пайшлі забароны па каліі і нафтаперапрацоўцы. Былі ўведзены абмежаванні адносна канкрэтных прадпрыемстваў і фізічных асоб. "Прынята пяць пакетаў санкцый ужо, на падыходзе шосты", - адзначыў першы віцэ-прэм'ер.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі